Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсээс зарим албан тушаалтанд холбогдох хэргийг шалгаж эхэлжээ.
Түлш, эрчим хүчний дэд сайд асан Д.Доржпүрэвийг ЭЦГ-ын эдийн засгийн гэмт хэрэгтэй тэмцэх хэлтэсээс баривчилсан гэх мэдээллийг эх сурвалж өглөө.
Түүнийг "Чингис" бондын хөрөнгөөс завшсан, мөнгө угаасан гэх үндэслэлээр энэ сарын 21-ний өдөр цагдан хорьсон байна.
Мөн эх сурвалжийн мэдээлж буйгаар МИАТ ТӨХК-ийн Коммерийн захирал Т.Батчулууныг ЭЦГ-ын эдийн засгийн гэмт хэрэгтэй тэмцэх хэлтэсээс шалгаж эхэлжээ.
Түүнийг хориогүй, гадуур шалгаж байгаа бөгөөд ямар хэрэгт буруутгаж буй нь тодорхойгүй байна.