Баттерей нь халж дэлбэрдэг гэсэн асуудлаас болоод Самсунг компани саяхан зах зээлд гаргасан Galaxy Note 7 гар утсаа эргүүлэн татаж эхэллээ.
Энэ тухайгаа Самсунг өнгөрсөн Баасан гарагт зарлаж эхний ээлжинд АНУ-ын зах зээлд борлуулсан утсаа татаж эхэлсэн байна.
Ингэхдээ хэрэглэгчдэд хоёр сонголт санал болгож байгаа. Нэгд, Galaxy Note 7 гар утсаа шинээр солиулах, хоёрт, худалдаж авсан Galaxy Note 7-гоо Galaxy S7, S7 edge утаснуудын аль нэгээр сольж үнийн зөрүүг нь буцааж авах.
Үүнээс гадна гар утасны төлбөрөөс нь $25 хөнгөлөх боломж (зөвхөн АНУ-д) олгож байгаа аж.
Самсунг өнгөрсөн хугацаанд 2.5 сая Galaxy Note 7 утсыг Өмнөд Солонгос болон гадаад зах зээлүүдэд борлуулаад байжээ.
Үүний өртөг нь $1.3 тэрбум орчим болж байна. Ирэх оны эхэн (гуравдугаар сар) хүртэл үргэлжлэх энэхүү солих ажиллагаа явцын дунд үр дүнгээс хамааран сунгагдах боломжтой гэнэ.
Эх сурвалж: Korea Times