Өнгөрч буй долоо хоногт улс төрчдийн хэлсэн онцгой үгсээс түүвэрлэн үзүүлдэг "Хэн юу хэлэв?" буланг хүргэж байна.
Нэг хэсэг тэнгэрт тулчихаад байсан орон сууцны үнэ сүүлийн жилүүдэд арай л буураад байгаа. Орон сууц үнэ бага буурахад олон хучин зүйл нөлөөлсөн. Тэр дундаа бондын үр өгөөж багагүй нөлөөлж байгаа талаар ТОСК-ийн Ерөнхий захирал А.Гантулга ярьжээ.
Тэрбээр “Орон сууцны үнэ 10.7 хувиар буураад байна. Дөрөв, таван жилийн өмнө орон сууцны үнэ хэд байсан билээ. Тэр үед ямар хүмүүс барилгын салбарт ажиллаж байлаа гээд бодохоор их өөрчлөлт гарсан. Хятадын компаниуд ороод ирчихсэн монголчуудыг дээрэлхдэг, доромжилдог, хэцүүхэн л дүр зурагтай байсан.
“Чингис” бондын үр өгөөжөөр Төрийн орон сууцны корпораци байгуулагдлаа. Тэр үеийн орон сууцны үнийн хөөсрөлтийг дарлаа.
Орон сууц үнэ бага буурахад олон хучин зүйл нөлөөлсөн.
“Буянт-Ухаа 1” хорооллын байрны квадрат метрийн үнэ 1.2 сая төгрөг. “Буянт-Ухаа 2” хорооллын байрны квадрат метр нь сая 350 мянган төгрөгөөр худалдаалагдаж байна.
Бид “Чингис” бондоос 277 тэрбум төгрөгийн зээл авсан. Жилийн найман хувийн хүүтэй зах зээл шүү дээ. Үүнийг бид цаг хугацаанд нь төлөөд явж байна. Бондыг буруу зүйлд үрж байна гэдэг. Үгүй. Иргэд хямд үнээр орон сууцанд орох боломж бүрдсэн. Мөн “Гудамж” төслийг хэрэгжүүлснээр уулзвар, зам өргөтгөж замлаа.
Өмнө нь өчнөөн цаг түгжирдэг байхад нэг машин хэдэн литр бензин зарцуулж байсныг монголчууд мэдэж байгаа. Гэтэл .өнөөдөр уулзвараар хурдан шуурхай нэвтэрдэг болсон. Аймаг орон нутгуудад “Гудамж” төсөл хэрэгжиж байна шүү дээ.
Төрийн орон сууцны корпораци найман аймагт 1,000 айлын орон сууц барилаа. “Чингис” бондын ачаар барилгын материалын үйлдвэрүүдээ дэмжлээ, цементээ 100 хувь өөрсдөө хийдэг боллоо.
Энэ бол эдийн засаг болон нийгэмдээ хандсан маш том хөрөнгө оруулалт. Бид бондын ачаар гадаадаас барилгын салбартаа хөрөнгө оруулалт авахаар болсон.
Бодит зүйл хийсэн улсад ямар ч хүн хөрөнгө оруулахдаа айдаггүй юм байна. 2018 он гэхэд маш том бүтээн байгуулалт өрнөнө. Үлдсэн 3,600 айлын байр ашиглалтад орж, хоёр сургууль, цэцэрлэг, спорт заал гээд хотхонд байх бүх л зүйлийг тэнд цогцлооно” хэмээн ярьжээ.
Нэг хэсэг өсч, 2,000 төгрөг даваад байсан ам.долларын ханш бага зэрэг буурч эхлээд байгаа. Зарим эдийн засагчид сонгуультай холбоотойгоор зориудаар буулгаж байна ч гэж хардаад байгаа юм. Тэгвэл ам.долларын ханш яагаад буурч байгаа, цаашид хэрхэх талаар Монголбанкны Зах зээлийн газрын захирал Ж.Батаа ярьжээ.
Тэрбээр “Аливаа бүтээгдэхүүн зах зээлд ховор болж эхлэх үед үнэ нь өсч, харин элбэгших үед буурдаг. Яг үүнтэй адил зарчим валютын захад үйлчилж байдаг. Өөрөөр хэлбэл, валютын ханш гэдэг манайд орж, гарч буй валютын тэнцвэрийн илэрхийлэл шүү дээ.
Өнөөдрийн байдлаар банкнуудын ам.доллар худалдах ханш 1,965-1,968 төгрөг, Монголбанкнаас зарласан ханш 1,961 төгрөгт тус тус хүрээд байна. Энэ нь оны эхнээс 35 орчим төгрөг буюу
Тухайлбал жил бүрийн нэгдүгээр улиралд төгрөгийн гадаад валюттай харьдах ханшид сулрах дарамт ирдэг бол хоёрдугаар улирлаас энэ дарамт мэдэгдэхүйц буурдаг.
Өмнөх жилийн мөн үед төгрөгийн ам.доллартай харьцах ханш I улирлын эцсээс 5.1 хувиар чангарч байсан бол 2016 оны II улиралд 4.4 хувиар аажим чангараад байна. Энэ нь дээр дурдсан улирлын нөлөөллөөс гадна Засгийн газар 500.0 сая ам.долларын бонд 250.0 сая ам.долларын синдикат зээлийг татаж, дотоодын валютын захын нийлүүлэлтийг нэмэгдүүлж, валютын захад оролцогчдын хүлээлтэд нөлөөлснөөр тайлбарлагдаж байна.
Оюу толгойн гүний уурхайн санхүүжилт шийдвэрлэгдсэнээр Оюутолгой ХК-ийн үйл ажиллагаа эрчимжиж гадаад гүйлгээний орох урсгал нэмэгдэж байгаа гэсэн шалтгаан бий. Сая дурдсан олон хүчин зүйлээс үүдэж төлбөрийн тэнцлийн энэ оны эхний дөрвөн сарын гүйцэтгэл 202.3 сая ам.долларын эерэг дүнтэй гарлаа. Тодруулж хэлбэл, ингэснээр төгрөгийн гадаад валюттай харьцах ханш чангарах суурь нөхцөл бүрдэж байгаа юм” хэмээн ярьжээ.
УИХ-ын ээлжит сонгууль болоход цөөн хоног үлдээд байна. Тэгвэл сонгуулийн ерөнхий хорооноос иргэдийн сонгууль өгөх идэвхийг нэмэгдүүлэх тал дээр ямар үйл ажиллагаа явуулж байгаа талаар. Мөн сонгогчид сонгуулиа өгөхдөө юунд анхаарах талаар Сонгуулийн Ерөнхий хорооны Хууль эрх зүйн хэлтсийн ахлах референт Д.Бат-Эрдэнэ ярьжээ.
Тэрбээр “Нэгдүгээрт, сонгогчдыг мэдээллээр хангах тал дээр нэлээд ажил зохиог байгуулж байна. Мэдээллээр хангах бол сонгогчдыг сонгуульд идэвхтэй оролцуулахад хамгийн их үр нөлөөтэй ажил.
Тухайн сонгогч өөрийнхөө амьдарч байгаа хэсгийнхээ сонгогч мөн үү гэдгийг ч мэдэх боломжтой. Сонгуультай холбоотой зохион байгуулалтын бүхий л шаардагдах мэдээллийг энэ сайт дээр байршуулсан.
Дээрээс нь хэвлэл мэдээллийн хэрэгслээр дамжуулж иргэдийг сонгуульдаа идэвхтэй оролцохыг уриалсан сурталчилгаануудыг явуулж байна. Дээрээс нь иргэдэд Үндсэн хуулиар олгогдсон эрхээ хэрэгжүүлэхэд дэмжлэг үзүүлэх зорилго бүхий ТББ-тай ч хамтарч ажиллаж, сонгогчдыг сонгуульдаа идэвхтэй оролцохыг уриалах чиглэлийн ажлыг ч хийж байна.
Сонгуулийн тухай хуульд нэмэлт, өөрчлөлт ороод, нэг тойрогт нэг мандаттай болсон.
СЕХ-ноос баталсан загварын дагуу саналын хуудсыг хэвлүүлж дууссан байгаа. Саналын хуудас хоёр хэсгээс бүрдэж байгаа. УИХ-ын сонгуульд нэр дэвшигчийг сонгох хэсэг.
Доод талд нь аймгийн юм уу нийслэлийн ИТХ-ын сонгуульд нэр дэвшигчийг сонгох хэсэг байж байгаа. Сонгуулийн тухай хуульд нэмэлт, өөрчлөлт ороод, нэг тойрогт нэг мандаттай болсон. Өөрөөр хэлбэл, сонгогчид маань УИХ-ын сонгуульд нэр дэвшигчийг бөглөх хэсэгт зөвхөн нэг л дэвшигчийн нэрийн өмнөх дугаарыг дугуйлна. Нэгээс илүүг дугуйлчихвал саналын хуудас хүчингүй болно.
Харин нийслэл болон аймгийн ИТХ-ын сонгуульд өрсөлдөж байгаа нэр дэвшигчийн тухайд бол тухайн тойрогт хэдэн мандат олгогдсон байна тэр тоогоор нь дугуйлж болно. Эсвэл мандатын тооноос дутуу тэмдэглэгээ хийж бас болно шүү дээ. Иргэдийн хурлын сонгуульд гурван мандаттай тойрог байлаа гэж бодъё. Гэтэл тэр тойрогт дэмжихийг хүссэн нэг л нэр дэвшигч байвал түүнийгээ л дугуйлчихаж болно.
Өмнө нь энэ тохиолдолд хүчингүй болдог байсан бол одоо тийм биш. Нэг санал чинь тоологдоод л явна. Эсвэл гурван мандаттай байгаа тойрогт гурван хуний нэрийг ч дугуйлж болно гэсэн үг. Магадгүй сонгогчид алдаа гаргаад, илүү тэмдэглэгээ хийчихлээ гэсэн тохиолдолд санал авах байрны ахлах зохион байгуулагчид энэ тухай мэдэгдээд, дахин нэг удаа саналын хуудас авах боломжтой" хэмээн ярьжээ.