Энэ долоо хоногт болж байгаа Apple компанийн WWDC 2016 хөгжүүлэгчдийн чуулган дээр бүх бүтээгдэхүүний програм хангамжийн шинэчлэлтүүдийг танилцуулсан. Харин тэдгээрийн дотроос хамгийн их анхаарал татсан нь мобайл үйлдлийн систем iOS-ийн 10 дахь хувилбарын шинэ боломжууд байлаа.
Танилцуулганд дурдагдсан гол 10 боломжийг тайлбарлан хүргэж байна.
iPhone-ий Lock screen нь анх удаа ямар ч товч даруулалгүйгээр идэвхждэг “raise-to-wake” боломжтой болж байна. Өөрөөр хэлбэл гар утасаа аваад өргөх үед дэлгэцэнд Lock screen гарч ирэх юм. Өмнө нь заавал Home товч даруулж байж уг дэлгэцийг гаргадаг байсан билээ.
Үүнээс гадна Lock screen дээр янз бүрийн аппликэшн гаргаж ирэн ажиллуулах боломж нээгдэх гэнэ.
Siri буюу дуу хоолойгоор харьцдаг туслагчийг програм хөгжүүлэгчид ашиглах боломжийг нээж өгч байгаа юм. Ингэснээр Siri-г ашигласан аппликэшнүүд олноор бий болно.
Энэ нь бяцхан хиймэл оюун ухаан (AI) ашиглан текст хурдан бичих горимд хүний бичих үгсийг тааварлан оруулах боломж юм.
Мөн хиймэл оюун ухаан ашиглан гэрэл зураг дээрх хүмүүсийн нүүр царайг танин, автоматаар бүлэглэх, цомог үүсгэх боломжтой болж байна. Бас Memories шинэ боломжоор автоматаар бүлэглэсэн зургуудаар кино, слайд шоу хийдэг болжээ.
Maps буюу дижитал газрын зураг дээр шинэ проактив (хүний оролцоогүйгээр ажилладаг) боломжууд нэмэгджээ. Бас дизайны хувьд бүрэн шинэчлэгдсэн байна.
Маш цэвэрхэн гоёмсог хэрэглэгчийн интерфэйстэй болсноос гадна шинэ Discovery Mix боломжтой болсон нь таны сонсдог дуу хөгжим дээр үндэслээд шинэ дуу хөгжим санал болгох автомат горим юм.
Шинэ апп нь таныг сонирхож байгаа сэдвийнхээ дагуу мэдээллийг түргэн олж авах, өөртөө зориулж шинэ сэдэв үүсгэх зэрэг боломжуудаар хангана. Бас шуурхай мэдээг хүргэх горим нэмэгджээ.
iOS 10-аас эхлэн цоо шинээр бий болж байгаа аппликэшн бол Home. Эндээс та гэрийнхээ автоматжуулалтын системийг бүхэлд нь хянах боломжтой болж байна.
Телефон дуудлагыг зохицуулдаг Phone аппликэшн Voicemail-ийг текст болгон автоматаар хөрвүүлдэг болсон байна. Мөн хөгжүүлэгчдэд зориулсан шинэ API-гаар дамжуулж спам дуудлагын лист нэмж оруулан хүний оролцоогүйгээр дуудлага блок хийж болдог болжээ. Одоо блок хийхдээ гараар нэг нэгээр нь нэмдэг байгаа.
iPhone-ий хамгийн өргөн ашиглагддаг аппликэшн болох Messages-д маш олон шинэ боломжууд нэмэгджээ.
Эх сурвалж: China Daily, The Verge