Интернэт сүлжээний аварга компаниудын нэг Yahoo-ийг худалдах ажиллагаа явагдаад эхэлсэн байгаа. Сүүлийн байдлаар харилцаа холбооны Verizon компани Yahoo-гийн үндсэн бизнесийг $3 тэрбумаар авах санал тавьж бусдыгаа тэргүүлж байгаа гэнэ.
Анх тус компанийг худалдах тухай яриа гарч эхлэхэд шинжээчид Yahoo-г 6-8 тэрбум ам.долларын үнэ хүрнэ гэж таамаглаж байсан юм. Тэгвэл одоогийн нөхцөл байдал үүнд тун ойрхон байна.
Verizon-ий саналд Yahoo-гийн бусад гол хоёр хөрөнгө болох патентууд, үл хөдлөх хөрөнгө багтаагүй гэжээ. Тэдний эзэмшдэг оюуны өмчийн патентууд доод тал нь $3 тэрбум хүрнэ гэж үздэг ба үүнд 6,000 орчим патент багтдаг гэнэ.
Мөн 92,000 орчим метр.кв үл хөдлөх хөрөнгийн үнэ 1-1.8 тэрбумд хүрнэ гэж шинжээчид дүгнэж байна.
Эдгээрийг тооцож үзвэл интернэт хайлтаас бизнесээ эхэлж байсан Yahoo компани хэдийгээр зах зээлийн өрсөлдөөнд нэлээд доройтсон ч дээд тал нь $9 тэрбумд хүрч чадахаар байна.
Yahoo компанийг худалдах хэлэлцээр хоёр дахь шатандаа ороод байгаа юм.
Эх сурвалж: Quartz