Ханбогд сумаас газрын тос илэрчээ

Өмнөговь аймгийн Ханбогд сумын Галба 11 талбайгаас газрын тос илэрсэн байна. Тус аймгийн газар нутагт гадаадын дөрвөн компани зургаан талбайд олборлолт хийж байгаа юм байна.

БНХАУ-ын компанийн 14 өрөмний 13-т газрын тос илэрсэн бөгөөд энэ дагуу дагуу Уул уурхайн яамны болон Газрын тосны газрын мэргэжилтнүүд очиж танилцжээ. Дээрх компаниуд ирэх cap дуустал хайгуул хийх эрхтэй юм байна.

Монгол Улс өнөөдрийн байдлаар Дорнод аймгийн Тамсаг болон Зүүнбаян сумаас газрын тосны олборлолтыг хийж байгаа.

Цаашид Өмнөговь аймгаас олборлолт эхэлбэл гадны хөрөнгө оруулалтыг энэ салбарт татахаас гадна манай улсад үлдэх хувь хэмжээ ч нэмэгдэх болсныг салбарынхан онцолж байна.