5 сарын 2, Пүрэв

Уншиж байна ...

ХУУЧИРСАН МЭДЭЭ: 2014/09/26-НД НИЙТЛЭГДСЭН

Сагсан бөмбөг: МОНГОЛ - 67, БНХАУ - 108

З.Санжаа, iKon.mn

2014 оны 9 сарын 26

iKon.MN

эрэмбэлэх: шинэ нь эхэнд хуучин нь эхэнд

14:47 2014/09/26

"Инчеон 2014" наадмын сагсан бөмбөгийн тэмцээний Монгол-Хятадын тоглолт өндөрлөлөө. Манай тамирчид Хятадын тамирчдад 41 онооны зөрүүтэйгээр хожигдлоо.

Тоглолтын нарийвчилсан хүснэгт: /ХҮСНЭГТ ДЭЭР ДАРЖ ТОМООР ХАРЖ БОЛНО/

14:24 2014/09/26

Тоглолтын 3-р үеийг Монгол 46, Хятад 79 оноотойгоор дуусгалаа.

III үеийн нарийвчилсан хүснэгт: /ХҮСНЭГТ ДЭЭР ДАРЖ ТОМООР ҮЗЭХ БОЛОМЖТОЙ/

13:46 2014/09/26

Тоглолтын 2-р үе дууслаа. Монгол 35 , Хятад 50 оноотой.

Энэ үед Монгол 17, Хятад 18 оноо нэмж авлаа.

ХҮСНЭГТ ДЭЭР ДАРЖ ТОМООР ҮЗЭХ БОЛОМЖТОЙ

II үе манай тамирчдын үзүүлэлт

13:33 2014/09/26

Тоглолтын 2-р үе эхэллээ. Одоогийн байдлаар Монгол 24, Хятад 39 оноотой байна.

ХҮСНЭГТ дээр дарж томруулж үзнэ үү.

Хүснэгт дээр дарж томруулж үзнэ үү.

13:21 2014/09/26

Тоглолтын 1-р үе дууслаа. Монгол 18 оноотой, Хятадын баг 32 оноотой.

Энэ үед манай гол тоглогч Б.Билгүүн 3, Т.Санчир 2 алдаа хийлээ.

13:09 2014/09/26

"Инчеон 2014" наадам үргэлжилж байна. Манай сагсчдын хэсгийн эхний тоглолт эхэллээ. Хуваарь ёсоор Хятадын багтай тоглож байгаа юм. Одоогийн байдлаар онооны хувьд манай баг 9 оноотой. Хятадын баг 10 оноотой явж байна.

10:01 2014/09/26

"Монголын хөх чоно"

Монгол улсын сагсан бөмбөгийн шигшээ баг дэлхийн өндөр чансаатай багуудтай тэнцүүхэн тоглолт үзүүлсээр Азийн шилдэг 8-д шалгарч үлдээд байна.

Шилдэг 8 баг 4,4 -р 2 хэсэгт хуваагдан өрсөлдөх ба манай шигшээ хэсэгтээ

БНХАУ Азийн №1
Иран Азийн №2
Япон Азийн №8 багуудтай таарсан.

Хэсгийн эхний тоглолтоо өнөөдөр 13:00 цагаас БНХАУ-тай хийнэ.

Өнөөдрийн тоглолтонд гараанд гарч тоглох магадлалтай тоглогчдыг жагсааж үзэе. Өмнөх тоглолтуудад гараанд гарч тоглосон бүрэлдэхүүнээр таамаглавал доорх байдалтай гарах болов уу.

МОНГОЛ			БНХАУ
Отгонбаатарын Сэргэлэн	Хамгаалагч Холбон тоглогч	165 см	Гуо Айлун	Хамгаалагч Холбон тоглогч	192 см
Оюунцэцэгийн Ууганбаяр	Хамгаалагч	185 см	Динг Яньюхан	Довтлогч	200 см
Тунгалагийн Санчир	Хамгаалагч	190 см	Ли Шиаошу	Төвийн тоглогч	204 см
Бүттүвшиний Билгүүн	Довтлогч	196 см	Зоу Пэнг	Довтлогч	206 см
Батдоржийн Одбаяр	Довтлогч	195 см	Ванг Зелин	Төвийн тоглогч	214 см
Гарааны 5 тоглогчийн дундаж өндөр		186 см	Гарааны 5 тоглогчийн дундаж өндөр		203 см

Хятадын багийн үндсэн 5 тоглогчийн 4 нь 200 см-с дээш өндөртэй нуруугаар үлэмж баг байна.

О.Баярцогт дасгалжуулагч эсрэгээрээ гарааны тавтыг сэлгээний тоглогчдоос бүрдүүлэхийг ч үгүйсгэхгүй юм. Учир нь манай шигшээ Хятадын багаас нуруугаар илэрхий нам тул өндөр тоглогчдыг хамгаалах гэж эрт алдааны асуудалд орох магадлалтай. Тиймээс сэлгээний тоглогчдод өндөр хариуцлага даалгаж магадгүй юм.

Харин Хятадын баг зарим өндөр тоглогчдынхоо оронд нуруу нам, илүү хурдтай тоглогчдыг гаргаж магадгүй юм.

Хоёр улсын шигшээгийн хувьд өнгөрсөн жил нэг удаа таарч тоглоход /аль аль нь тухайн үеийн бүрэлдэхүүнээс төдийлөн өөрчлөгдөөгүй/ БНХАУ манай шигшээг илт давуу байдлаар хожиж байсан. Энэ бол өнгөрсөн түүх. Ганцхан жилийн дотор холын зайн шидэлтийн гүйцэтгэлийн хувь хэрхэн сайжирсныг БНСУ-ын шигшээ багийн дасгалжуулагч магтан сайшаасныг санах хэрэгтэй.