ДАШТ-с ХОС ХҮРЭЛ медаль хүртлээ

-65 кг

Г.Мандахнаран хүрэл медалийн төлөө Беларусын бөхийг ялж ДАШТ-ний хүрэл медалиа ИХЭРЛҮҮЛЛЭЭ. 

Манай бөх хүрэл медалийн төлөө маш хүнд барилдааныг хийлээ.

Эхний үед 0:6 харьцаагаар ялагдаж улмаар шийдвэрлэх үед хариуцлагатай, дайчин барилдаан үзүүлэн 8 оноо авч өрсөлдөгч бөхдөө 1 оноо алдсанаар 8:7 харьцаагаар ялалт байгууллаа.

Шийдвэрлэх барилдааны бичлэгийг үзнэ үү

-61кг:

Э.Ням-Очир хүрэл медалийн төлөө Казахстаны бөхийг ялж ДАШТ-с анхны медалиа хүртлээ.

Энэ нь түүний ДАШТ-с хүртэж буй анхны медаль юм.

Өнгөрсөн жилийн ДАШТ-ний шагналт 5-р байрт шалгарч байсан тэрбээр амжилтаа ахиулж дэлхийн аваргын МЕДАЛЬТАЙ тамирчин боллоо.

Шийдвэрлэх барилдааны бичлэгийг үзнэ үү

-65 кг:

Дагах барилдаанд Г.Мандахнаран Пуэрто Рико улсын бөх Гомезтэй барилдаж 6:4 харьцаагаар яллаа.

(I үед 1:0, II үед 5:4)

Г.Мандахнаран хүрэл медалийн төлөө Беларусын бөхтэй барилдана. 

МУГТ Г.Мандахнаран ДАШТ-ний хүрэл медалиа ХОС болгох эсэх нь 2 цаг орчмын дараа шийдэгдэх нь байна.

97кг:

Д.Хүдэрбулга  дагах барилдаанд Гүржийн бөх Одиказед 3:2 харьцаагаар ялагдлаа.

(I үед 0:1, II үед 2:2)

Ингэснээр Д.Хүдэрбулга хүрэл медалийн төлөө барилдах эрхгүй болж ДАШТ-г дуусгалаа.

-65 кг:

Шилдэг 4-т үлдэхийн төлөөх барилдаанд манай Г.Мандахнаранг ялсан Оросын бөх Раманов Беларусын бөхийг ялж аваргын төлөө гарч ирснээр Г.Мандахнаран дагах барилдаан хийх эрхтэй болж байна.

Ингэснээр хүрэл медальд хүрч чадах эсэх нь манай бөхчүүдийн өөрсдийн гарт дахин ирлээ.

-61кг:

Э.Ням-Очир ээлжит дагах барилдаанд Болгарын бөх Владимир Дудовтой барилдаж 6:5 харьцаагаар яллаа.

(I үед 0:3, II үед 6:2)

Дагах хоёр барилдаанд ялсан Э.Ням-Очир хүрэл медалийн төлөө Казахстаны бөхтэй барилдана.

-97кг:

Шилдэг 4-т үлдэхийн төлөөх барилдаанд манай Д.Хүдэрбулгыг ялсан Азарбейжаны бөх Хетаг Газимов Украйны бөхийг ялж аваргын төлөө барилдах боллоо.

Ингэснээр манай бөх дагах барилдаан хийх эрхтэй болж байна.

-61кг:

2 дахь барилдаанд манай Э.Ням-Очирыг ялсан Ираны бөх 1/2 шигшээд шалгарсан тул Словакийн бөх Болотньюктэй дагах барилдаан хийж манай бөх 7:1 харьцаагаар яллаа. 

-65 кг:

Г.Мандахнаран шилдэг 4-т үлдэхийн төлөөх барилдаанд ОХУ-ын бөх Рамановтой барилдаж 0:11 харьцаагаар оноогоор цэвэр ялагдлаа. 

Ингэснээр манай 2 бөхийг ялсан бөхчүүд 1/2 -д үлдэхийн төлөөх барилдаанд ялбал манай бөхчүүд дагах барилдаан хийж улмаар хүрэл медал хүртэл барилдах боломжтой юм.

Тиймээс манай 2 бөхийн барилдах эсэх нь дээрх бөхчүүдийн үр дүнгээс шууд хамаарах болж байна.

-97кг:

Д.Хүдэрбулга шилдэг 4-т үлдэхийн төлөөх барилдаанд Азарбейжаны бөх Хетаг Газимовт 0:6 харьцаагаар ялагдлаа.

(I үед 0:1, II 0:5 үед)

-65 кг:

МУГТ, Ази тивийн аваргын хошой мөнгөн медальт, Азийн наадмын аварга Г.Мандахнаран 2 дахь барилдаанд Армений бөх Давид Сафарянтай барилдаж 10:1 харьцаагаар техникийн илт давуу байдлаар цэвэр ялж шилдэг 8-д шалгарлаа.

(I үед 4:0, II үед 6:1)

Давид Сафарян Мандахнарангийн хамгийн том өрсөлдөгчдийн нэг бөгөөд 2013 оны Дэлхий болон Европийн аварга тамирчин юм.

Мандахнарангийн дараагийн өрсөлдөгч ОХУ-ын бөх Раманов /2013 оны Оросын аваргын мөнгөн медальтай/

-61кг:

61 кг жинд манай улсаас ОУХМ, Азийн аваргын хүрэл медальт Э.Ням-Очир 2 дахь барилдаанд Ираны бөхтэй барилдаж 0:7 харьцаагаар ялагдлаа.

(I үед 0:2, II 0:5 үед )

-97кг:

97 кг-ын жинд ОУХМ, Оюутны зуны “Универ­сиад” наадмын хүрэл, Ази тивийн аварга шалгаруулах тэмцээний алт, хошой хүрэл медальт Д.Хүдэрбулга 2 дахь барилдаанд Казахстаны бөх Инкар Ермукамбетийг 12:2 харьцаагаар ялж шилдэг 8-д шалгарлаа.

(I үед 4:0, II 6:2 үед)

Д.Хүдэрбулга шилдэг 4-т үлдэхийн төлөө Азербайжаны бөх Хетаг Газимовтой  /Олимпийн 2 хүрэл, Дэлхийн аваргын алт, мөнгө, Европийн 3 удаагийн алтан медальтай/ хүч үзнэ. 

-65 кг:

65 кг жинд МУГТ, Ази тивийн аваргын хошой мөнгөн медальт, Азийн наадмын аварга Г.Мандахнаран эхний барилдаанд Украйны бөх Зхафарян Титалтай барилдаж 15:5 харьцаагаар техникийн илт давуу байдлаар яллаа.

(I үед 6:5, II 9:0 үед )

Г.Мандахнарангийн жинд нийт 32 хүчтэн зодоглож байгаа ба 2-р тойрогт Армений бөх Давид Сафарянтай /2013 оны Дэлхий болон Европийн аварга/ барилдана.

74кг:

74 кг жинд Азийн аваргын хошой мөнгө, хүрэл, залуу­чуудын ДАШТ-ний хүрэл медальт П.Өнөрбат эхний барилдаанд Казахстаны бөх Уссербаев Галымзхантай барилдаж 7:5 харьцаагаар ялагдан тэмцээнээ дуусгаж байна.

(I үе 0:1, II үе 5:6)

-61кг:

Э.Ням-Очирын дараагийн өрсөлдөгч Ираны бөх Масауд Эсмайлпур  /2013 оны Дэлхийн аваргын хүрэл, Азийн алт, мөнгө, хүрэл медальтай 1988 онд төрсөн тамирчин байна/ 

-97кг:

97 кг-ын жинд ОУХМ, Оюутны зуны “Универ­сиад” наадмын хүрэл, Ази тивийн аварга шалгаруулах тэмцээний алт, хошой хүрэл медальт Д.Хүдэрбулга эхний барилдаанд Узбекийн бөх Омаров Омарыг 5:0 харьцаагаар яллаа.

Д.Хүдэрбулга дараагийн барилдаанд Казахстаны бөхтэй хүч үзнэ. 

-61кг:

61 кг жинд манай улсаас ОУХМ, Азийн аваргын хүрэл медальт Э.Ням-Очир эхний барилдаанд БНСУ-ын бөхийг 3:2 харьцаагаар яллаа.

Э. Ням-Очир 1:2 харьцаагаар хожигдож яваад барилдааны цаг дуусахаас ердөө нэг секундын өмнө 2 оноо авч ялалт байгууллаа.