Чөлөөт бөхийн ДАШТ өнөөдөр эхэлнэ

Бөхийн чөлөөт барил­дааны эрэгтэй­чүүдийн 44, эмэгтэйчүүдийн 25 дахь удаа­гийн Дэлхийн аварга шалгаруулах тэмцээн өнөө­дөр Узбекийн нийслэл Таш­кент хотноо эхэлнэ.

Долоон өдрийн турш үргэл­жилж энэ сарын 14-нд өндөрлөх уг тэмцээнд манай улсаас эрэгтэй эмэгтэй нийт 16 тамирчин оролцоно.

Эрэгтэй багт:

• 57 кг-ын жинд ОУХМ, залуучуудын дэлхийн аварга Э.Бэхбаяр,
   
• 61 кг-д ОУХМ, Азийн аваргын хүрэл медальт Э.Ням-Очир,
   
• 65 кг-д гавьяат тамирчин, Ази тивийн аваргын хошой мөнгөн медальт, Азийн наадмын аварга Г.Мандахнаран,
   
• 70 кг-д ОУХМ, Ази тивийн аваргын хү­рэл медальт Б.Анхбаяр,
   
• 74 кг-д Ази тивийн аварга шалгаруулах тэмцээний хошой мөнгө, хүрэл, залуу­чуудын ДАШТ-ний хүрэл медальт П.Өнөрбат нар оролцоно.
   
• Хүнд жин болох 86 кг-д ОУХМ, Ази тивийн аварга шалгаруулах тэм­цээний хүрэл медальт, О.Үйтүмэн,
   
• 96 кг-д ОУХМ, Оюутны зуны “Универ­сиад” наадмын хүрэл, Ази тивийн аварга шалгаруулах тэмцээний алт, хошой хүрэл медальт Д.Хүдэрбулга, 
   
• 125 кг-ын жинд ОУХМ, Азийн наадмын мөнгө, Ази тивийн аварга шал­­гаруу­лах тэмцээний мөнгө, дөрвөн хүрэл медальт Ж.Чулуунбат нар багтан эх орноо төлөөлөн барилдах юм.

Эмэгтэй багт

• 48 кг-д Азитивийн аварга шалгаруулах тэмцээний мөнгөн медальт Э.Нарангэрэл
   
• 51 кг-д ДАШТ болон Оюутны зуны универсиад наадмын мөнгөн медальт Э.Сумъяа
   
• 55 кг-д ОУХМ, залуучуудын дэлхийн А.Батцэцэг
   
• 58 кг-д ДАШТ-ний хошой хүрэл, Ази тивийн аварга шалгаруулах тэмцээний мөнгөн медальт, Тунгалагийн Мөнхтуяа
   
• 60 кг-д ОУХМ, залуучуудын дэлхийн аварга, Ази тивийн аварга шалгаруулах тэмцээний хүрэл медальт С.Цэрэнчимэд,
   
• 63 кг-д Гавьяат тамирчин, олимпийн наадмын хүрэл, ДАШТ-ний алт, мөнгө, Ази тивийн аварга шалгаруулах тэмцээний мөнгөн медальт С.Батцэцэг
   
• 69 кг-д ОУХМ, ДАШТ-ний хүрэл, Ази тивийн аварга шалгаруулах тэмцээний 3 мөнгө, 4 хүрэл медальт Б.Одончимэг
   
• 75 кг-д Гавьяат тамирчин, ДАШТ-ний мөнгө, хүрэл, Азийн наадмын хүрэл, Ази тивийн аварга шалгаруулах тэмцээний 2 мөнгө, 3 хүрэл медальт О.Бурмаа нар багтсан байна.

Эрэгтэй багийн дасгал­жуулаг­чаар Ц.Цогтбаяр, Б.Баяраа, О.Пүрэвбаатар, Л.Энхбаяр, эмэгтэй багийн дасгалжуулаг­чаар гавьяат дасгалжуулагч Б.Батбаяр, З.Дүвчин, Т.Сүхбаатар нар ажиллаж буй юм.