“ААВ, ЭЭЖ, БИ” өдөрлөг маргааш болно

Сар бүрийн сүүлийн 7 хоногийн Ням гарагийг “Гэр бүлийн өдөр” болгон тэмдэглэн өнгөрүүлдэг билээ. 

Үүнтэй холбоотойгоор “ААВ, ЭЭЖ, БИ” өдөрлөгийг есдүгээр сарын 30-нд 14:00-16:30 цагт Хүннү моллд зохион байгуулах гэж байна.

Уран бүтээлч, хүүхэд залуус, гэр бүлийн хоорондын амьд харилцаа бүхий чөлөөт орон зайг бүрдүүлэх, аз жаргалтай дурсамж дүүрэн нэг өдрийг өнгөрүүлэх юм.

Өдөрлөгийн хөтөлбөр:

• Гэр бүлээрээ бүтээл хийх, үзэсгэлэн гаргах үйл ажиллагаа
• Уран бүтээлчдийн үзэсгэлэн, бүтээлээ танилцуулах арга хэмжээ
• Монголын Энтрепренёр ээжүүдийн холбооноос Нийслэлийн Нийтийн Тээврийн Газарт “Ягаан суудал” аяны хүрээнд суудлын бүрээс гардуулах үйл ажиллагаа
• 9 дүүргийн ГБХЗХХ-ийн нэрэмжит хөгжөөнт тоглоом, уралдаан тэмцээнүүд

Энэ үеэр “Аз жаргалын боловсрол” ТББ-аас гэр бүлээрээ хийсэн урлагийн бүтээлээр үзэсгэлэн гаргаж, “Сүү” ХХК тухайн өдөр бүх гэр бүлд сүү, сүүн бүтээгдэхүүнээ үнэгүй тараах аж.

Эх сурвалж: Нийслэлийн Хүүхэд, гэр бүлийн хөгжлийн газар