2017-2018 оны халаалтын улирал эхэлсэнтэй холбогдуулан “Улаанбаатар дулааны сүлжээ” ТӨХК-аас айл өрх, албан газруудын халаалт өгөх ажлын явцын талаар тодрууллаа.
"Улаанбаатар дулааны сүлжээ” ТӨХК-ийн Шуурхай удирдлагын албаны дарга Э.Батмөнх "Есдүгээр сарын 13-ны байдлаар 640 орон сууцны барилга, 2 цэцэрлэг, 2 сургууль, 2 эмнэлэгт халаалт өгөөд байсан юм.
Харин өнөөдрийн байдлаар "Улаанбаатар дулааны сүлжээ” ТӨХК-аас 3,000 барилга, орон сууцад халаалт өгөхөөр төлөвлөсөн. Өнөөдөр айл өрх, цэцэрлэг, сургууль, эмнэлэгүүдийн халаалтыг эхнээс нь өгч байна.
Харин аж ахуйн нэгж байгууллагууд аравдугаар сарын 1-ээс халаалтаа авах журамтай байдаг. Гэхдээ үйлчилгээний байгууллагууд хүсвэл энэ хугацаанаас өмнө хүсэлт гарган халаалтаа авах боломжтой юм" гэлээ.