2017 оны хамгийн том далайн хар салхи Нору Японыг чиглэн ирж байна

Өнгөрсөн долоо хоногийн сүүлээр Номхон далайд үүссэн Нору хар салхи нь 2017 он гарсаар тохиолдож байгаа хамгийн том, хүчтэй хар салхинд тооцогдож байна.

Weather Channel сувгийн мэдээлснээр Нору 18 цагийн дотор 145 км/цаг хурдтай болж эрчимжжээ. Ингэснээрээ тэр 5 дугаар ангиллын (дээд тал нь 265 км/цаг хүрдэг) хар салхинд тооцогдож байв. Харин дараа нь суларч 2 дугаар ангилалд шилжсэн юм.

Гэхдээ энэ долоо хоногийн сүүлээр Японы арлуудад хүрэхдээ дахин эрчимжих магадлалтай байгаа ажээ.

Нору хар салхи Олон Улсын Сансрын Станцаас ч харагдаж байгаа гэнэ. Уг станцад ажиллаж байгаа NASA-гийн хоёр мэргэжилтэн цонхоор буулгасан зургаа сошиал сүлжээнд хуваалцжээ.

Эх сурвалж: Mashable