Та бүхэн энэ хүслээ биелүүлэх их амархан боломж байна.
Монголын Зэрлэг Амьтан Судлах Хамгаалах Төв, Монголын Шувуу Хамгаалах Төв, Монголын Шувуу Ажиглагчдын Клуб, Монголын Гэрэл Зурагчдын Нэгдсэн Холбоо, Гэрэл зургийн Гамма агентлаг хамтран Дэлхийн нүүдлийн шувууны өдөрт зориулсан нэгдсэн арга хэмжээг энэ сарын 15-23-нд зохион байгуулах гэж байна.
Маргааш "Хүннү Молл" дахь Гамма агентлагийн гэрэл зургийн галлерейд шувуудын гэрэл зургийн үзэсгэлэнгээр энэ арга хэмжээ эхлэх бөгөөд бусад арга хэмжээний тухай мэдээллийг дороос харах боломжтой.
Жил бүрийн Дэлхийн нүүдлийн шувуудын өдөр нь тухайн жилийнхээ онцлогийг харуулсан өвөрмөц уриатай байдаг бөгөөд энэ жил “Тэдний ирээдүй бидний ирээдүй” сэдэв доор хийгдэж байгаагаараа онцлог бөгөөд Монгол орны жигүүртэн амьтдыг сурталчлах хамгаалах зорилгоор энэхүү ажлыг зохион байгуулж байгаа талаар мэргэжилтнүүд дурджээ.
Энэ талаар дэлгэрэнгүй мэдээллийг ЭНД дарж авна уу.
Зургийн зохиогчийн эрх: Jargal Lamjav