ФОТО: Энэ жилийн “Алтан чагнуур” шагналын эзэд
“Дэлхийн эмч нарын өдөр”-ийг тохиолдуулан Эрүүл мэндийн яам, МЭМАҮЭХ-ноос хамтран “Алтан чагнуур” шагнал гардуулах ёслолын ажиллагааг 7 дахь жилдээ боллоо.
“Алтан чагнуур”-ын эзэн болсон эмч нар:
- Нийслэлийн шүд эрүү нүүрний төвийн нүүр амны согог заслын тасгийн их эмч, нүүр амны согон заслын багш Л.Өнөржаргал
- Завхан аймгийн нэгдсэн эмнэлгийн дүрс оношлогооны их эмч Б.Уранцэцэг
- ХӨСҮТ-ийн шинэ болон сэргэж буй халдварын тасгийн эрхлэгч Ж.Улаан
- Улсын гуравдугаар төв эмнэлгийн мэдрэлийн мэс заслын тасгийн их эмч Л.Аважигмэд
- Сэлэнгэ аймгийн Бугант тосгоны Эрүүл мэндийн төвийн эрхлэгч , мэс заслын эмч Г.Сахьябазар
- Баянзүрх эмнэлэг” ХХК-ний насанд хүрэгсдийн өвчин судлалын их эмч Ш.Дэлгэрмаа
- Баянхонгор аймгийн нэгдсэн эмнэлгийн мэдээгүйжүүлэг, эрчимт эмчилгээний их эмч Ч.Жавзан
- ЭХЭМҮТ-ийн эх барих эмэгтэйчүүдийн эмнэлгийн нөхөн үржихүйн поликлиникийн эх барих эмэгтэйчүүдийн их эмч Б.Пагма
- Цус сэлбэлт судлалын үндэсний төвийн чанар цусны сонор сэрэмжийн албаны дарга, лабораторын их эмч Т.Алимаа
- УНТЭ-ийн Цусны эмгэг судлал, чөмөг шижлүүлэн суулгах төвийн эрхлэгч их эмч Н.Оюундэлгэр
Шагналд нийслэл болон хөдөө орон нутгийн эрүүл мэндийн байгууллагуудаас шалгарсан 60 гаруй эмч нэр дэвшин өрсөлдсөн байна.
"Насны хувьд хамгийн залуу эмч нь 36 настай, эмч мэргэжлээрээ 11 жил ажилласан эмч байгаа бол хамгийн ахмад нь 60 настай эмч байна"
Энэ үеэр Эрүүл мэндийн дэд сайд Л.Бямбасүрэн "Энэ жилийн Алтан чагнуурын эздээр, шинээр эмчилгээ оношлогооны арга технологи нэвтрүүлсэн эмч нар олон байна. Тухайлбал, Улсын гуравдугаар төв эмнэлгийн их эмч, мэс заслын төрөлд нэр дэвшиж буй Л.Аважигмэд, чөмөг шилжүүлэн суулгах мэс заслыг Монголд анх удаа хийсэн УНТЭ-ийн дотрын их эмч, цусны төвийн эрхлэгч Н.Оюундэлгэр, мөн Баянхонгор, Баян-Өлгий зэрэг аймгийн эмч нар нэр дэвшиж байна.
Насны хувьд хамгийн залуу эмч нь 36 настай, эмч мэргэжлээрээ 11 жил ажилласан эмч байгаа бол хамгийн ахмад нь 60 настай эмч байна. Үүнээс харахад жил ирэх бүр уг шагналын үнэ цэнэ улам өсөж, мэргэжилдээ хайртай, дуртай эмч нар олон болж байгаад талархаж байна. Нийт монгол 47 мянга гаруй эмч эмнэлгийн ажилчид, тэдний ар гэрийхэнд дэлхийн эмч нарын өдрийн баярын мэндийг хүргэж, хамгийн сайн сайхан бүхнийг хүсье" гэлээ.
Ёслол хүндэтгэлийн ажиллагаанд Эрүүл мэндийн дэд сайд Л.Бямбасүрэн, Төрийн нарийн бичгийн дарга Д.Очирбат, Монголын эрүүл мэндийн ажилтны үйлдвэрчний эвлэлийн холбооны дарга Б.Мягмар, УНТЭ-ийн ерөнхий захирал Б.Бямбадорж болон бусад албаны хүмүүс, эмч нарын төлөөлөл оролцлоо.
Фото: “Алтан чагнуур” шагнал гардуулах ёслолын ажиллагаа
Гэрэл зургийг mpa.mn
