ФОТО: 1870-аад оны Японы хөдөөгийн амьдрал
1850-1860-аад оны үед Япон улс аажмаар гадаад худалдааны хоригоо буулгаж, хаалттай байдлаа алдаж эхэлсэн юм.
Барууны аялагчид, барууны технологи тус улсын Иокохама зэрэг боомтуудаар нэвтэрч эхлэхэд Италийн гэрэл зурагчин Фэлис Биато анхны гэрэл зургийн студийг нээснээр Япон орныг гэрэл зурагтай танилцуулжээ.
Сузуки Шиничи нь энэ салбарт хамгийн анх ажиллаж эхэлсэн япончуудын нэг байсан юм. Тэрбээр анх Иокохамагийн студид гэрэл зурагчин Шимука Ренжогийн дагалдангаар ажиллаж байжээ. 1872 онд Шотландын сэтгүүлч Ж. Р. Блэкийн захиалгаар боомт хотын гадаад иргэдэд зориулсан "Алс Дорнод" хэмээх сэтгүүлд нийтлэгдэх цуврал зураг авах даалгавар авсан байна.
Тэр уншигчдын таашаалд нийцэх Японы соёлыг харуулсан гэрэл зургуудыг авахыг зорьжээ. Сузуки Японы хөдөөгийн амьдралаар цуврал зураг авч, үүндээ орон нутгийн амгалан тайван амьдрал, үндэсний хувцас, ажил мэргэжлийг гараар өнгө оруулан харуулснаараа онцлогтой юм.
Ингээд та бүхэндээ гэрэл зурагчин Сузуки Шиничигийн сонирхол татам цуврал зургуудыг хүргэж байна.
Фото
Эх сурвалж: "Метрополитан урлагийн музей"
