Мэргэжлийн хуульчид нэгдсэн Төрийн бус байгууллагаас иргэдийн санал, гомдлыг холбогдох байгууллагуудад нь хүргэж шийдвэрлүүлэх зорилготойгоор 11-11 төвийг эргэн сэргээж, ажиллуулж эхэллээ.
Тус төвийн нээлт өнөөдөр Нийслэлийн Хангарьд ордны ард байрлах "Гэрэл" төвийн гуравдугаар давхарт боллоо.
"11-11 төв Ерөнхий сайд асан Н.Алтанхуягийн Засгийн газрын үед идэвхитэй ажиллаж байсан. Харин дараагийн Засгийн газар буюу Ч.Сайханбилэг сайдын үед унасан. Энэ үед иргэдээс ирсэн санал гомдлыг ч барагдуулах зорилготойгоор Төрийн бус байгууллагаас энэ төвийг ажиллуулж эхэллээ" гэдгийг зохион байгуулагчид хэлж байна.
Ингэснээр иргэд төр, захиргааны байгууллагуудтай холбоотой санал, гомдлоо 77121111 утсанд өгөх боломжтой боллоо.
11-11 төвд хичнээн санал гомдол ирж, хэдийг нь шийдвэрлэсэн тухай тайланг www.1111tuv.mn сайтад нийтлэх аж.
Гэрэл зургийг mpa.mn