ФОТО: Дөрөвдүгээр сар гэхэд Утааг арилгах үндэсний хөтөлбөрөө боловсруулж дуусгахыг шаардлаа

Утааны эсрэг ээж, аавууд өнөөдөр Д.Сүхбаатарын талбайд жагсаал хийлээ. Энэ удаагийн жагсаалаар эцэг, эхчүүд "Рixel art" буюу олуулаа нийлэн үгний хэлбэрт орж зогсох арга хэмжээг зохион байгуулсан юм. Тодруулбал, тэд "Утааг шийд", "Эмнэлэг барь" зэрэг үгийг бүтээлээ.

Тэд зөвхөн өвөл утаагаа яриад хавар, зундаа мартдаг байдлыг халж сар бүр утааг арилгахыг шаардсан олон нийтийн арга хэмжээ зохион байгуулахаар төлөвлөж байгаа аж. Учир нь 2017 оны хоёрдугаар сарын 20-ны өдөр гэхэд агаар орчны бохирдлыг арилгах Үндэсний хөтөлбөрийг боловсруулчихсан байх ёстой атал одоо хүртэл нэгтгэн Сангийн Яамандаа ч хүргээгүй байгаа юм. Энэ нь утаатай тэмцэх шийдвэр гаргагчдын ажил хавар болоход удааширдаг уламжлалт хариуцлагагүй байдал давтагдах вий гэж ээж аав нар эмзэглэж байна гэв.

Тиймээс хэрэв дөрөвдүгээр сар гэхэд утааг арилгах үндэсний хөтөлбөрөө боловсруулж дуусахгүй бол дөрөвдүгээр сардаа дахин олон нийтийн арга хэмжээ зохион байгуулна гэдгээ Утааны эсрэг ээж, аавууд хэллээ. 

фото:

Гэрэл зургийг mpa.mn