ФОТО: ЭСЯ-ны дипломатуудын охид, гэргийгээр чимсэн Монголын загварын шоу

 

Гэрэл зургийг mpa.mn

Ноос ноолууран бүтээгдэхүүний "Elegant Cashmere" загварын шоу "Туушин" зочид буудалд өчигдөр боллоо.

"Elegant Cashmere" шоуны моделиуд нь ЭСЯ-дын дипломатуудын охид, гэргий байсан нь онцлог байв. 

Ингэснээрээ Монголын ноос ноолууран бүтээгдэхүүнийг дэлхийн хэмжээнд сурталчлахад ихээхэн үр дүнтэй арга хэмжээ боллоо хэмээн зохион байгуулагчдын зүгээс хэллээ.

Энэ үеэр Үндэсний 15 компани бүтээгдэхүүнийхээ дээжээр үзэсгэлэн худалдаа гаргажээ.

Загварын шоуг зохион байгуулахад ГХЯ-ны дэргэдэх Эмэгтэйчүүдийн Дипломат клуб, Монгол Улсад суугаа гадаадын Дипломат төлөөлөгчийн газрууд, Монголын ноос ноолуурын холбоо, ХХААХҮЯ-ны холбогдох удирдлагууд дэмжин оролцсон байна.

Мөн Монголын Үндэсний Дизайнеруудын Холбоо шоуг дэмжиж моделиудын тайзны бэлтгэлийг хийжээ.

Фото: Туушинд болсон "Elegant Cashmere" загварын шоу

Гэрэл зургийг mpa.mn