Сурах бичгийн зураг, дизайн хийх баг шалгаруулж авна
АНУ-ын Олон Улсын Хөгжлийн Агентлагын санхүүжилт дэмжлэгээр World learning, Иргэний Боловсролын Төв ТББ, Бүгд Найрамдахчуудын Хүрээлэн хамтран хэрэгжүүлж буй Leaders Advancing Democracy ( LEAD Mongolia) буюу “Манлайлагчид Ардчилалд Хувь Нэмрээ Оруулна” хөтөлбөрийн 3-р бүрэлдхүүн хэсгийг Иргэний Боловсролын Төв хэрэгжүүлж байна.
Энэ хэсгийн зорилго нь Монгол улсын Ерөнхий боловсролын сургуулийн ахлах ангид зориулсан иргэний боловсролын сурах бичиг боловсруулан түгээх болно.
Төслийн хүрээнд боловсруулах ахлах ангийн нийгмийн ухаан, иргэний боловсролын хичээлд нэмэлт эх сурвалж, гарын авлага болох “Ардчиллын Үндэс” сурах бичгийн зураг, дизайныг гэрээгээр хийх мэргэжлийн зураачийн баг шалгаруулж авна.
Зураачийн багт тавигдах шаардлага:
- Уран зураг, компьютер графикийн чиглэлээр их дээд сургууль төгссөн
- Мэргэжлээрээ 3-аас доошгүй жил ажилласан
- Хүүхдийн номын зурган дээр ажиллаж байсан туршлага, чадвартай
- Өгсөн ажлыг цаг хугацаанд нь гүйцэтгэх хариуцлагатай
- Багаар ажиллах чадвартай
Бүрдүүлэх материал:
- Шалгаруулалтад орохыг хүссэн захидал
- Боловсролын үнэмлэх, диплом, сертификат /хуулбар/
- Ажлын туршлагыг тодорхойлсон товч намтар
- Бүтээлийн жагсаалт
- Сүүлийн ажил олгогчийн тодорхойлолт
Сонгон шалгаруулалтад оролцохыг хүсэгчид бэлтгэсэн материалаа битүүмжлэн “Манлайлагчид Ардчилалд хувь нэмрээ оруулна” төсөлд гэж хаяглан 2017 оны 3-р сарын 20 ны 16.00 цагаас өмнө дор дурдсан хаягаар эсвэл ariuna.cce.mn@gmail.com мэйлээр ирүүлнэ үү.
Хаяг: Сүхбаатар дүүрэг, 1-р хороо, Автозамчдын гудамж, Хасвуу байр, 1-р давхар 102 тоот (1-р төрөх эмнэлгийн зүүн урд талд, Сэлбэ голын баруун эрэгт ), Иргэний Боловсролын Төв
Асуух зүйл гарвал Иргэний Боловсролын Төвийн 313619 утсаар лавлана уу.
Төсөл болон байгууллагын талаарх дэлгэрэнгүй мэдээллийг http://www.worldlearning.org/ http://www.cce.mn/. www.facebook.com/cce.mongolia линкээр орж авна уу.
Зураачийн ажлын удирдамжийг дараах линкээр татаж үзнэ үү. https://drive.google.com/open?id=0B-iEyHdgJviqTGtJM1JmaHhnSjQ
