ОУВС-гаас Монгол Улсын Засгийн газартай хийсэн хэлэлцээрийн үр дүнг танилцуулах Сангийн яам, Олон улсын валютын сан /ОУВС/, Монгол банкны хамтарсан хэвлэлийн бага хурлыг Төрийн ордноос шууд дамжуулан хүргэлээ.
ШУУД ҮЗЭХ:
Хэрэв та гар утсаар орж байгаа бол Facebook App-аас iKonNews page-рүү орж үзнэ үү!
Сангийн сайд Б.Чойжилсүрэн "Монгол Улсын Сангийн Яам, Монголбанк нь ОУВС-ийн төлөөлөгчидтэй хөтөлбөрт хамрагдах хэлэлцээрийг 2017 оны хоёрдугаар сарын 1-нээс 19-ний өдрүүдэд Улаанбаатар хотноо амжилттай зохион байгуулж ажиллалаа.
ОУВС-тай хамтран "Өргөтгөсөн санхүүжилтийн хөтөлбөр"-ийг /Extended Fund Facility/ хэрэгжүүлэхээр тохирлоо.
Энэ хөтөлбөр нь 3 жилийн хугацаатай. Энэ хүрээнд ОУВС-гаас 440 сая ам.долларын санхүүжилтийг олгох бөгөөд ОУВС болон олон улсын байгууллагууд, хандивлагч орнуудаас нийтдээ 5.5 орчим тэрбум ам.долларын хөнгөлөлттэй санхүүжилтийг төсвийн алдагдал төлбөрийн тэнцлийн зориулалтаар ашиглах тохиролцоонд хүрлээ" гэв.
Мөн "Төсөвт ямар хэмжээний ачаалал ирэхийг тооцохгүйгээр их хэмжээний концессийн гэрээнүүд байгуулагдсан байна. Тэгэхээр одоо байгуулагдсан концессийн гэрээнүүдэд хөндлөнгийн аудитын дүгнэлт оруулж, дараа нь төсвүүдийг нөхөн олгохоор болсон.
Төсвийн зардлыг их хурал дээр нэмэгдүүлдэг үзэгдэл сүүлийн хэдэн жил газар авсан. Бид УИХ-тай зөвшилцөж төсвийн зардлыг УИХ дээр нэмэгдүүлдэггүй байх, хэрэв нэмэгдүүлэх бол өөр зардлыг хасах, Төсвийн зөвлөл байгуулах бодлогын арга хэмжээ авахаар боллоо" гэв.
Тэрбээр ОУВС-тай хийсэн хэлэлцээр тийм амар хялбар байсангүй гэдгийг онцолсон юм.
Төсвийн бодлогын хүрээнд төсвийн орлогыг нэмэгдүүлэхийн тулд 7-8 арга хэмжээ авч хэрэгжүүлэхээр байна. Үүнд:
Төсвийн зарлага бууруулах тал дээр:
ОУВС-гийн ажлын хэсгийн ахлагч Коши Матай: Хөтөлбөрийн гол арга хэмжээний талаар Сангийн сайд тайлбар хийсэн учраас би хэлэлцээрийн талаар мэдээлэл өгье. EFF бол ОУВС-гийн гол хөтөлбөрүүдийн нэг юм.
ОУВС-гаас нийт 440 сая ам.доллар, бусад эх үүсвэрээс үлдсэн санжүүжилтийг авна. Мөн Хятадын ардын банкнаас своп хэлцлээ гурван жилээр сунгах боломжтой гэсэн. Нийт 5.5 тэрбум ам.долларын санжүүжилт авахаар болсон нь өмнө хэрэгжүүлж байснаас 20 дахин их юм.
Өнөөдрийн тохиролцоо ОУВС-гийн Ажлын хэсгээс гаргасан тохиролцоо. Бүрэн хэрэгжүүлэхийн тулд хэд хэдэн алхам хийх хэрэгтэй.
Юун түрүүнд олон талт санхүүжилтийг баталгаажуулах ёстой. Дараагийнх нь урьдчилсан арга хэмжээ авах ёстой. Энэ нь дараах гурван арга хэмжээ байна.
Дараагийн алхам нь ОУВС-гийн захирлуудын зөвлөл энэ асуудлыг батлах ёстой. Бидний төсөөллөөр ирэх гуравдугаар сард захирлуудын зөвлөл хуралдаад энэ асуудлыг шийдэх байх.
Төсвийн алдагдлыг бууруулах хүрээнд Засгийн газраас нийгмийн халамжинд гарч байгаа зарим зардлыг бууруулахгүй байх саналыг бид дэмжиж байгаа.
Төсвийн алдагдлыг бууруулах гэдэг нь цогц арга хэмжээний нэг хэсэг байлаа.
Харин Хөгжлийн банкны үйл ажиллагааг цэгцлэх нь чухал алхам юм.
Дараагийн гарч байгаа томоохон өөрчлөлт бол Монголбанкны хувьд мөнгөний бодлогын үйл ажиллагаанд гол анхаарлаа хандуулж, үнийн тогтвортой байдлыг хангахад анхаарч ажиллах болно.
Бид бодлогын асуудал дээр нэг байр суурьтай байж чадсан. Төвбанкны хууль эрх зүйн орчинг илүү боловсронгуй болгох шаардлагатай. Тухайлбал Монголбанкнаас банкны салбарыг бэхжүүлэх томоохон арга хэмжээ төлөвлөсөн байгаа нь манай хөтөлбөрийн гол ажил болж байна" гэв.
Мэдээллийн дараа Сангийн яам, Олон улсын валютын сан /ОУВС/, Монгол банкны удирдлагууд сэтгүүлчдийн асуултад хариуллаа.
Монголбанкны ерөнхийлөгч Н.Баяртсайхан: Ипотекийн санхүүжилт нийгмийн ач холбогдолтой учраас үргэлжилнэ. Гэхдээ ОУВС-гаас төсвийн шинжтэй хөтөлбөр учраас Засгийн газарт шилжүүлэх ёстой гэсэн.
Бид 2018 оноос энэ хөтөлбөрийг Засгийн газарт шилжүүлнэ. 2017 оны тухайд одоо явж байгаа журмаа цаашид хадгална. Ипотекийн хөтөлбөрт нийт 4 их наяд төгрөгийн санжүүжилт гарсан байгаа. Үүний эргэн төлөлтөөр тодорхой хэмжээний мөнгө орж ирдэг.
"ОУВС-аас авч буй хөнгөлөлттэй зээлийн хүүг хөвөгч хүүгээр тооцно. Хүү хоёр хувиас хэтрэхгүй байна.
Эргэн төлөлтийн хугацаа 10 жил байна. "Стэнд Бэй" хөтөлбөрөөс ялгаатай нь эргэн төлөлт нь урт хугацаатайгаараа давуу талтай.
Мөн эргэн төлөлт нь тодорхой хуваарийн дагуу хийгдэнэ. Түүнээс нэг дор бүгдийг нь төлөхгүй.
440 сая доллар нь ч нэг дор хийгдэхгүй. Гурван жилийн хугацаанд тасралтгүй олгогдоод явна" гэж Коши Матай хэллээ.