ЗГ: Хүн амын амьжиргааны 2017 оны доод түвшинг тогтоов

-Засгийн газрын өнөөдрийн /2017.02.15/ хуралдаанаас гаргасан шийдвэр -

Үндэсний статистикийн хороо хүн амын амьжиргааны доод түвшний 2017 онд мөрдөх хэмжээг баталж 02 дугаар сарын 06-ны өдрөөс мөрдөж эхэлсэн байна. Монгол Улсын сайд, Засгийн газрын Хэрэг эрхлэх газрын дарга Ж.Мөнхбат энэ талаар Засгийн газрын хуралдаанд танилцуулав.

Энэ онд мөрдөх амьжиргааны доод түвшин баруун бүсэд 166,500, хангайн бүсэд 173,500, төвийн бүсэд 166,200, зүүн бүсэд 165,700, Улаанбаатар хотод 185,300 төгрөг байх юм. 

Шинэчилсэн түвшинг өмнөх онд мөрдөж ирсэнтэй харьцуулахад төвийн бүсэд 3,200, хангайн бүсэд 2,700, зүүн бүсэд 2,000, баруун бүсэд 1,700, Улаанбаатар хотод 1,600 төгрөгөөр нэмэгджээ.

Хүн амын амьжиргааны доод түвшинг иргэдэд эд, мөнгөний тусламж үзүүлэх, нийгмийн даатгалын болон нийгмийн халамжийн тэтгэвэр, тэтгэмжийн хэмжээг өөрчлөх, суралцагчдад дэмжлэг, туслалцаа үзүүлэхэд жишиг болгон хэрэглэдэг.

Эх сурвалж: Засгийн газрын Хэвлэл мэдээлэл, олон нийттэй харилцах хэлтэс