Монголын Үндэсний Музейгээс уламжлал болгон зохион байгуулдаг “Шинэ үзмэрийн дээжис” үзэсгэлэн өнөөдөр /2017.02.15/ нээгдлээ.
Тус үзэсгэлэнд 2014-2016 онд тус музейн сан хөмрөгийг шинээр баяжуулсан түүх, археологи, угсаатны зүйн холбогдолтой 1,800 гаруй үзмэрээс 400 орчим шилдэг үзмэрийг дэлгэжээ.Тэдгээрээс сонирхуулбал, Орхон аймгийн Жаргалант сумын Айрагийн гозгорт явуулсан Хүннү, Сяньбийн булшнаас илэрсэн олдворууд, Алтайн нурууны дундад зууны үед холбогдох хадны оршуулгаас илэрсэн Алтай ятга, нум сум, дээл болон Сасанидын мөнгөн зоос, Юань улсын цаасан мөнгө, Монголын хамгийн өндөр хүн агсан Д.Рагчаагийн хувцас зэрэг олон сонирхолтой үзмэрүүд байна.
Үзэсгэлэнгийн нээлтээс хийсэн фото сурвалжлага
Гэрэл зургийг Mpa.mn