Атлантын далайгаар кабель татаж Америк-Европыг холбох төсөл хэрэгжиж байх үед Берингийн хоолойгоор Сибирийг дамжин Европ хүртэл кабель татах өөр зам нээхээр 1864 онд аялагчдын баг АНУ-аас гарахад Охайо мужийн иргэн Жорж Кеннан тэдэнтэй нэгджээ.
Хоёр жил Кеннан зэрлэг байгалийг туулан аялсны эцэст энэхүү төслийн санааг орхиж, Атлантын далайгаар харилцаа холбооны шугам тавихаар болсон байна.
Нутагтаа буцсан Кеннан аялалаас хоосон ирсэнгүй. Өдрийн тэмдэглэлээрээ “Сибирийн урцан дахь амьдрал” нэртэй ном гарган, хэд хэдэн цуврал илтгэл тавьж байжээ.
1870 онд тэр дахин Орост ирж Санкт Петрбургээс Ижил мөрнийг даган аялж, Каспийн тэнгис, Кавказ хүрсэн байна. Арав орчим жил Америкт сэтгүүлчээр ажилласныхаа дараа Кеннан 1885 онд дахин Орост ирж Алтайн уулс, Казахстан, Монгол, Хятадын хил дагуу аялжээ.
Энэ хугацаандаа тэрээр Оросын эзэнт гүрний янз бүрийн үндэс угсаатай иргэдийн гэрэл зургийг авч цуглуулсан нь одоо Конгрессийн номын санд хадгалагддаг юм.
Түүний ховор нандин гэрэл зургуудаас хүргэж байна.