ОХУ-ын төрийн өмчит Росатом компани Оросын анхны хөвдөг цөмийн реакторыг 2017 оны эхний хагаст ажиллуулж эхлэхээ өнөөдөр мэдээлжээ.
“Академик Ломоносов“ нэртэй уг хөвдөг станцыг Оросын Чукоткийн бүс нутагт үйлдвэрлэж байгаа бөгөөд хоёр ширхэг КЛТ-40 реактор агуулдаг. Эдгээр нь нийлээд 70 МВ-ын цахилгаан эрчим хүч, эсвэл 300 МВ-ын халаалт гаргах чадалтай байх гэнэ.
Росатомын цахилгаан эрчим хүчний үйлдвэрлэлийн салбар компани болох Росэнергоатом Концерний мэдэгдэлд “Хөвөгч цөмийн цахилгаан станцыг цэнэглэх, ажиллагаанд оруулах явц 2017 оны эхний хагаст багтаж хийгдэхээр төлөвлөгдсөн” гэжээ.
Эх сурвалж: Sputniknews