ФОТО: Зөвшөөрөлгүй ТҮЦ-үүдийг нүүлгэж байна

Улаанбаатар хотын хэмжээнд нийт 1,132 түргэн үйлчилгээний цэг /ТҮЦ/ байгаагийн 757 нь зөвшөөрөлгүйгээр үйл ажиллагаа явуулж байгаа юм.

Тиймээс Нийслэлийн Засаг даргын захирамжийн хүрээнд “Газрын зөрчил арилгах нэгдсэн арга хэмжээ”-г нийслэлийн Газрын албанаас зохион байгуулж, зөвшөөрөлгүй түргэн үйлчилгээний цэгүүдийг зохих журам, удирдамжийн дагуу зөрчил арилгах, газар чөлөөлөх арга хэмжээ авч байна.

Өнөөдөр "Тэнгис" кинотеатр, 25-р эмийн сан болон Зайсан орчимд зөвшөөрөлгүй үйл ажиллагаа явуулж буй ТҮЦ-нүүдийг нүүлгэлээ.

"Газрын зөрчил арилгах нэгдсэн арга хэмжээ"-гээр өмнө нь 572 түргэн үйлчилгээний цэгт зөрчлөө арилгаж, газраа чөлөөлөх тухай шаардах хуудас өгч, эхний ээлжид зөвшөөрөлгүй 23 ТҮЦ-ийг нүүлгэн, газрыг чөлөөлж байжээ.

Гэрэл зургийг Mpa.mn