ФОТО: Шадар сайд У.Хүрэлсүх, сайд С.Е.Донской нар протоколд гарын үсэг зурах агшин...

Монгол-ОХУ-ын Засгийн газар хоорондын Худалдаа, эдийн засаг, шинжлэх ухаан, техникийн хамтын ажиллагааны комиссын XX хуралдаан Улаанбаатар хотноо хоёр өдөр үргэлжилж, амжилттай өндөрлөлөө. 

Талууд худалдаа эдийн засаг, зам тээвэр, хөрөнгө оруулалт, хөдөө аж ахуй, эрчим хүч, хүмүүнлэг зэрэг салбарт хамтын ажиллагааг идэвхжүүлэн хөгжүүлэх талаар харилцан тохиролцсон асуудлуудаар протокол үйлдэлж гарын үсэг зурсан юм. 

Протоколд гарын үсэг зурах ёслолын ажиллагаа Төрийн ордонд болж, Монголын талыг төлөөлж Монгол Улсын Шадар сайд, Монгол-Оросын Засгийн газар хоорондын комиссын Монголын хэсгийн дарга У.Хүрэлсүх, ОХУ-ын талыг төлөөлж ОХУ-ын Байгалийн нөөц, экологийн сайд, Монгол-Оросын Засгийн газар хоорондын комиссын Оросын хэсгийн дарга С.Е.Донской нар гарын үсэг зурлаа.

Фото сурвалжлагыг mpa.mn