М.Энхболд: Хариуцлагын асуудлыг Бага хурлаараа зориуд онцлон хэлэлцэх гэж байгаа юм

Монгол Ардын Намын VII Бага хурал өнөөдөр Тусгаар Тогтнолын Ордны Их танхимд эхэллээ. Бага хурлыг нээж МАН-ын дарга үг хэллээ.

МАН-ын дарга М.Энхболд "Хариуцлага бидэнд, Монгол Улсад ус, агаар мэт нэн чухал байна. Бид хариуцлагатай байж чадах эсэхээс, хариуцлагаа хэрхэн ухамсарлан хэрэгжүүлэхээс улс орны хийгээд Монгол Ардын Намын ирээдүй шалтгаална. Ийм ч учраас хариуцлагын асуудлыг Бага хурлаараа зориуд онцлон хэлэлцэх гэж байгаа юм" гэв.

Мөн эдийн засгийн хямралыг даван туулж, эх орноо хөгжлийн шинэ өндөрлөгт хүргэж чадна. Бид хариуцлагатай засаглалыг тогтоож, Монголын ард түмнийг манлайлан, хууль хэрэгждэг, ёс зүйтэй нийгмийг цогцлоох болно гэдгийг онцолж байв.

Бага хурлаас хийсэн фото сурвалжлага

Гэрэл зургийг mpa.mn