Ардчилсан Намын VI Их хурал Ардчиллын сүлд дуу болох Хонхны дуугаар Соёлын Төв Өргөөнд өнөөдөр эхэллээ.
Хонхны дууг зохиолын дуучдын шинэчлэн дуулснаар хурлын төлөөлөгчдөд хүргэв.
Дараа нь орон нутгийн сонгуульд ялалт байгуулсан намын хороодод АН-ын лидерүүд ялалтын туг гардуулах ёслол боллоо.
Индэр дээр АН-ын дарга З.Энхболд, Ерөнхий нарийн бичгийн даргын үүрэг гүйцэтгэгч Л.Эрхэмбаяр, Нийслэлийн АН-ын дарга Э.Бат-Үүл, Ерөнхий сайд асан Н.Алтанхуяг, Ч.Сайханбилэг, УИХ-ын гишүүн Я.Санжмятав, АН-ын бүлгийн дарга С.Эрдэнэ нар уригдан гарч ирж, ялалтын туг гардууллаа.
Ардчилсан намын дарга З.Энхболд, Х.Тэмүүжин нар хурлын үеэр илтгэл тавьсан юм.
Их хурал Намын шинэтгэлийн хөтөлбөрийн талаарх санал шүүмжлэл хэлэлцүүлгээр 18.00 цаг хүртэл үргэлжилнэ.
Гэрэл зургийг mpa.mn