Ардчилсан Намын VI Их хурал Соёлын Төв Өргөөнд өнөөдөр эхэллээ.
Хурлын нээлт Ардчиллын сүлд дуу болох Хонхны дуугаар эхэллээ. Хонхны дууг зохиолын дуучдын шинэчлэн дуулснаар хурлын төлөөлөгчдөд хүргэв.
Дараа нь орон нутгийн сонгуульд ялалт байгуулсан намын хороодод АН-ын лидерүүд ялалтын туг гардуулах ёслол боллоо.
Индэр дээр АН-ын дарга З.Энхболд, Ерөнхий нарийн бичгийн даргын үүрэг гүйцэтгэгч Л.Эрхэмбаяр, Нийслэлийн АН-ын дарга Э.Бат-Үүл, Ерөнхий сайд асан Н.Алтанхуяг, Ч.Сайханбилэг, УИХ-ын гишүүн Я.Санжмятав, АН-ын бүлгийн дарга С.Эрдэнэ нар уригдан гарч ирж, ялалтын туг гардууллаа.
Хурал эхлэхийн өмнө оролцогчид Чингис хааны хөшөөнд хүндэтгэл үзүүллээ.
АН-ын үндсэн дүрмийн шинэчлэлийг Их хурлаараа 2 өдрийн турш хэлэлцэх аж.
Харин АН-ын даргын асуудлыг хэлэлцэхгүй юм байна.
Гэрэл зургийг mpa.mn