ФОТО: Авто ослоор амь үрэгдэгсдийн дурсгалыг хүндэтгэж ЦУВАА явлаа
“Зам тээврийн ослоор хохирогсдод хүндэтгэл үзүүлэх Дэлхий нийтийн өдөр”-ийг жил бүрийн арваннэгдүгээр сарын 3 дахь долоо хоногийн “Ням” гарагт дэлхий даяар зохион байгуулан тэмдэглэн явуулдаг.
Уг өдрийг анх 1993 онд Английн Вант улсад тэмдэглэсэн ба үүнээс хойш улс орнууд уг арга хэмжээг авто ослоор амь үрэгдэгсдийн дурсгалыг хүндэтгэх, сэтгэл санааны болон бусад хохирол амсаж суугаа тэдний ар гэр, ойр дотныхонд гашуудал илэрхийлэх, сэтгэл санааны дэмжлэг үзүүлэх өдөр болгон тэмдэглэж байхаар болжээ.
Дэлхий дээр зам тээврийн ослын улмаас жил бүр дунджаар 1.3 сая хүн амь насаа алдаж, 50 сая хүн гэмтэж бэртэж байгаа нь нийт нас барах шалтгааны наймдугаарт эрэмбэлэгдэж байна. Монгол Улс дэлхийд зам тээврийн ослын улмаас нас баралтаар эхний 25-д орж байгаа ажээ.
“Зам тээврийн ослоор хохирогсдод хүндэтгэл үзүүлэх Дэлхий нийтийн өдөр”-ийг тохиолдуулан зам тээврийн осолд холбогдсон эвдрэлтэй автомашинуудыг ачигч авто машинд байршуулан цуваа зохион байгуулсан юм.
ФОТО
Гэрэл зургийг mpa.mn
