ХУУЧИРСАН МЭДЭЭ: 2016/11/16-НД НИЙТЛЭГДСЭН
ФОТО: Сурагчид “Сансар од эрхэсийн ордон”-оор аяллаа
iKon.MN
Монгол Улсад “Шинжлэх ухааны ажилтны өдөр”-ийг жил бүрийн 11 дүгээр сарын сүүлийн долоо хоногт тэмдэглэн өнгөрүүлдэг уламжлалтай.
Энэхүү өдрийг угтан Монгол Улсын Шинжлэх ухааны Академиас санаачлан Нийслэлийн Боловсролын Газартай хамтран “Сансар од эрхэсийн ордон”-той танилцах аяллыг зохион байгууллаа.
“Сансар од эрхэсийн ордон”-д өнөөдөр ЕБ-ын 35, 58, 79, 87 дугаар дунд сургууль болон 29 дүгээр тусгай сургуулийн нийт 200 орчим сурагчид зочиллоо.
ШУА-ийн Одон орон, геофизикийн хүрээлэнгийн “Сансар од эрхэсийн ордон” нь 2014 оны 6 дугаар сараас ажиллаж эхэлсэн. Энд хүрэлцэн ирсэн хүүхэд багачууд “Сансар танхим”-аар зочилж, од эрхэсийн тухай хялбаршуулсан танин мэдэхүйн богино хэмжээний 3D киног үзэж сонирхон, тусгай зориулалтын проектороор шөнийн тэнгэрийн оддыг харах боломжтой аж.
“Сансар од эрхэсийн ордон”-той танилцах аялал фото сурвалжлага
Гэрэл зургийг mpa.mn
