ФОТО: “Garden of Eden Collection 2017” загварын шоуг тольдох нь
Загвар урлагийн салбарт “Hаute Couture” чиглэлийг хөгжүүлж Монголдоо анхдагч бүтээлүүдийг урладаг Азийн шилдэг дизайнер Д.Отгонжаргалын уламжлал болон зохиогддог “O Couture -2017” High fashion show өнгөрсөн Бямба гарагт Corporate Convention Centre-д гурав дахь жилдээ амжилттай зохион байгуулагдлаа.
“O Couture -2017” High fashion show-ны ерөнхий зохион байгууллагч Global Marketing Media Group болон Монголын Загвар Урлагын Холбоо хамтран ажилласан юм.
Энэ жилийн онцлог нь “Garden of Eden Collection 2017” нэртэйгээр гэгээлэг зөөлөн өнгийг ашиглан дур булаам романтик стилийг илэрхийлсэн гоёлын, тансаг даашинзнуудыг толилуулж мөн хүрэлцэн ирсэн зочдод зориулан хүндэтгэлийн зоог, хамтлаг дуучид, ивээн тэтгэгч байгууллагуудын гарын бэлэг, шагнал, дуудлага худалдаа зэрэг олон сонирхолтой хөтөлбөрүүдээс бүрдсэн цогц арга хэмжээ боллоо.
“O Couture -2017” High fashion show-г чимсэн нэгэн гайхалтай гэнэтийн зүйл нь дизайнер Д.Отгонжаргалыг СТА цол тэмдгээр шагнасан нь баяр дээр баяр нэмсэн давхар үйл явдал болов. Тэрбээр энэ салбарын хамгийн анхны СТА болж байгаа юм.
“Надаас хол санагдаж байсан шагнал энгэрт минь буулаа. Энэ салбарынхаа анхдагч нь болж СТА цол тэмдгээр шагнуулсан явдалд сэтгэгдэл маш өндөр байна. Энэ шагнал олон дизайнеруудыг араасаа дагуулна гэдэгт итгэж байна” гэж Д.Отгонжаргал сэтгэгдлээ хуваалцсан юм.
“Garden of Eden Collection 2017” загварын шоуны фото сурвалжлага:
