ХУУЧИРСАН МЭДЭЭ: 2016/11/08-НД НИЙТЛЭГДСЭН
ФОТО: "Чулууны хээ"-г тольдохуй
iKon.MN
Байгальтайгаа гүн дотно барилдсан мэлмий гярхай цуглуулагч Г.Гонгоржавын "Чулууны хээ" үзэсгэлэн Монголын Үндэсний Музейд өнөөдөр нээгдлээ.
Тэрбээр уран байгалийн бүтээлийн унаган төрх, өнгө аясыг нэмэлт хачиргүйгээр нээн дэлгэхийг зорьжээ.
"Чулууны хээ" үзэсгэлэн нь Монгол орноо танин мэдэх, үндэсний өв соёлын угшил язгуур нь эх байгаль гэдгийг нээсэн өвөрмөц үзүүлбэрээс бүрдэж байна.
Архангай аймгийн Өндөр-Улаан сумын уугуул Гомбожавын Гонгоржав өдгөө нас сүүдэр 80 хүрч буй манай ахмад сэтгүүлч, соёлын өв судлаач билээ. Тэрбээр Монголчуудын чулуун өв соёлын сэдвээр "Монголчуудын чулуун соёл" хэмээх судалгааны томоохон ном туурвисны зэрэгцээ Байгалийн түүхийн музей, Г.Занабазарын нэрэмжит Дүрслэх урлагийн музей, Монголын Уран зургийн галерейд 1994, 1995, 1996, 2000 онуудад нийт дөрвөн удаа үзэсгэлэн гаргаж байв.
"Чулууны хээ" үзэсгэлэн 11-р сарын 8-13-ны хооронд үнэ төлбөргүй нээлттэй ажиллах юм.
Үзэсгэлэнгээс хийсэн фото сурвалжлагыг толилуулж байна.
Гэрэл зургийг mpa.mn
