ФОТО: Уран бичлэгийн Олон улсын үзэсгэлэн Уран зургийн галерейд нээгдлээ

Их эзэн Чингис хаан мэндэлсэн Монгол бахархлын өдөрт зориулсан "Мөнх тэнгэрийн бичиг-2016" уран бичлэгийн олон улсын үзэсгэлэн Уран зургийн галерейд өнөөдөр нээгдлээ. 

Ерөнхийлөгчийн санаачилгаар үзэсгэлэнг жил бүр гаргадаг уламжлалтай. 

2011 оноос уламжлал болгон зохиож буй тус үзэсгэлэн өнөө жил олон улсын үзэсгэлэн болон өргөжиж, 5 улсын 40 гаруй уран бүтээлч, төлөөлөгч оролцож байна. 

 "Мөнх тэнгэрийн бичиг-2016" үзэсгэлэн 11 дүгээр сарын 01-ний өдрийг хүртэл үнэ төлбөргүйгээр гарна.

Үзэсгэлэнгийн хүрээнд ЕБС-ийн багш нарын бүтээлийн үзэсгэлэнг Хүүхдийн урлан бүтээх төвд өчигдөр нээсэн.

Харин Монгол бахархлын өдөрт зориулсан үзэсгэлэнг Цонжин болдогт байрлах Чингис хааны морьт хөшөө цогцолборт 2016 оны 10 дугаар сарын 30-ны өдрөөс эхлэн тус тус 10 хоног зохион байгуулах аж.

Үзэсгэлэнгийн нээлтэд Монгол Улсын Ерөнхийлөгч Ц.Элбэгдорж, БСШУС-ын сайд Ж.Батсуурь нар оролцлоо.

Гэрэл зургийг mpa.mn