2016-2020 оны парламентад сонгогдсон гишүүд өмнөх гишүүдээс (2012-2016) илүү чинээлэг болохыг доорх харьцуулалтууд нотлож байна.
- УИХ-ын гишүүдийн өөрийн орлого
Өмнөх парламентын 76 гишүүний жилийн орлого 26.9 тэрбумаар хэмжигдэж байсан бол шинээр сонгогдсон гишүүдийнх 41.6 тэрбум төгрөг байна.
Өөрөөр хэлбэл 2016 онд сонгогдсон гишүүд ~55%-иар илүү орлого олдог хүмүүс сонгогджээ.
- Гишүүдийн гэр бүлийн орлого
2016 онд УИХ-д сонгогдсон гишүүдийн гэр бүл өмнөх парламентийн гишүүдийн гэр бүлээс ~71%-иар илүү орлого олдог.
- Барилга, байгууламж
Барилга байгууламжын хувьд өмнөх парламентын гишүүдээс даруй 20 тэрбум төгрөгөөр илүү байна.
Ж нь: Төв аймгаас сонгогдсон А.Сүхбат гишүүн 9.2 тэрбум төгрөгийн үнэлгээ бүхий барилга байгууламжуудтай.
- Тээврийн хэрэгсэл
УИХ-ын гишүүдийн 9.3 тэрбум төгрөгөөр үнэлэгдэх тээврийн хэрэгслүүд дотроос Б.Наранхүү гишүүний 1.2 тэрбумын тээврийн хэрэгслүүд хамгийн их жинг дарж байна.
- Мал аж ахуй
УИХ-ын гишүүдийн хөрөнгө орлого ганцхан үзүүлэлтээрээ өмнөх гишүүдээс доогуур бичигджээ. Энэ бол өөрийн нэр дээр байдаг малын тоо.
УИХ-ын дарга М.Энхболд 900 саяар үнэлэгдэх малтай. 76 гишүүний нийт малын ~18 хувь нь М.Энхболдынх.
- Газар
Эзэмшдэг газрын үнэлгээ нь ХОЁР ДАХИН өндөр.
Баянхонгор аймгаас сонгогдсон М.Билэгт гишүүн гэхэд 4.2 тэрбумаар үнэлэгдэх газартай.
- Гишүүдийн бэлэн мөнгө болон хадгаламж дахь үлдэгдэл
Бэлэн байгаа мөнгөний хэмжээ нь өмнөх гишүүдийнхээс 26.5 тэрбумаар их.
Б.Наранхүү гишүүн 21.2 тэрбум төгрөгийн хадгаламжийн үлдэгдэл, бэлэн мөнгөтэй бол Л.Энх-Амгалан гишүүн 0 төгрөгийн хадгаламжтай.
- Эзэмшдэг компаний үнэлгээ нь 138.2 тэрбумаар илүү.
- Зээл
2016 онд сонгогдсон 76 гишүүн нийтдээ 27 тэрбум төгрөгийн зээлтэй. Тэднээс Ц.Мөнх-Оргил гишүүн хамгийн их буюу 18.8 тэрбум төгрөгийн зээлтэй.
- Авлага
Одоогийн УИХ-ын 76 гишүүн өмнөх гишүүдээс 2 дахин их авлагатай.
Ц.Гарамжав гишүүн өөрийн эзэмшдэг Монполимет компаниас 18.3 тэрбум төгрөгийн авлагатай аж.
Мэдээллийн эх сурвалж: АТГ