Монголын хөлбөмбөгчид Ази тивд сүүлээсээ нэгдүгээр байрт эрэмбэлэгдэж байна

Өчигдөр буюу Пүрэв гарагт Олон Улсын Хөлбөмбөгийн Холбоо (FIFA)-ийн чансаа шинэчлэгдэн гарлаа.

Энэ удаа Монгол улсын хөлбөмбөгчдийн чансаа хуучин байрнаасаа хөдөлсөнгүй, 202 дугаарт эрэмбэлэгдэж байна.

Уг үзүүлэлт нь дэлхийд сүүлээсээ 10 дугаарт, Ази тивдээ хамгийн сүүлийн байранд байгааг харуулж байгаа юм. Анх 1998 оноос эхлэн тооцож ирсэн жагсаалтад Монголчууд 2011 он хүртэл өсөлттэй явж ирсэн бол түүнээс хойш тасралтгүй унасаар өнөөдөр түүхэн доод хэмжээндээ хүрээд байна.

 

2011 онд 168 дугаарт эрэмбэлэгдсэн нь манай хөлбөмбөгчдийн дээд амжилт юм.

Ази тивд бидний урд 197-д эрэмбэлэгдсэн Пакистан улсын баг явж байна. Пакистанчууд өмнөх сараасаа 3 байраар ухарсан үзүүлэлттэй байгаа ажээ.

Эх сурвалж: FIFA.com