Нийслэлийн сонгуулийн хорооноос сум, дүүргийн ИТХ-ын 2016 оны ээлжит сонгуулийн санал хураалтын 17:00 цагийн ирцийн мэдээллийг танилцууллаа.
17:00 цагийн байдлаар нийслэлийн 266,320 сонгогч саналаа өгч, ирц 30.9 хувьтай байна.
Сонгуулийн явцын талаар НСХ-ны дарга Ү.Ганболд "Бидэнд ирсэн мэдээгээр сонгуулийн дүнд нөлөөлөхүйц алдаа дутагдал гараагүй байна. Тухайн тойрогт сонгуулийн ирц хуулинд заасан ирцэнд хүрээгүй тохиолдолд нэмэлт санал хураалт явуулна.
Энэ нь дахин сонгуулиас ялгаатай. Өрөөр хэлбэл нэмэлт санал хураалт явуулах болсон тохиолдолд өнөөдөр сонгууль өгсөн хүмүүсээс бусад хүмүүс санал өгнө гэсэн үг" гэлээ.
Дүүрэг | Нийт сонгогчдын тоо | Санал өгсөн сонгогчдын тоо | |
---|---|---|---|
Тоо | Хувь | ||
Багануур | 18722 | 6473 | 34,5 |
Багахангай | 2837 |
1496 |
52,7 |
Баянгол | 129410 | 42627 | 32,9 |
Баянзүрх | 206437 | 60030 | 29,1 |
Налайх | 23258 | 8898 | 38,3 |
Сонгинохайрхан | 189310 | 53029 | 27,9 |
Сүхбаатар | 87300 | 30106 | 34,5 |
Хан-Уул | 99424 | 34076 | 34,3 |
Чингэлтэй | 103339 | 29585 | 28,6 |
Нийт | 860037 | 266320 | 30,9 |
Нийслэлийн хэмжээнд 398 байранд санал авч байгаа, нийтдээ 6 нам, 37 бие даагч 682 нэр дэвшигч оролцож байна.
Есөн дүүргийн хэмжээнд сонгуулийн насны 860 мянга 37 иргэн санал өгөхөөс 266 мянга 320 иргэн саналаа өгчээ. Дүүргүүдээс Багахангай дүүрэг 52.7 хувьтай буюу хамгийн өндөр ирцтэй санал хураалт үргэлжилж байна.