Уншиж байна ...
Зураг
Зураг
ХУУЧИРСАН МЭДЭЭ: 2016/09/30-НД НИЙТЛЭГДСЭН

Гоэйдо Готаро: Эзэн хааны цом их хүнд байдаг юм байна

Б.Даваахүү
2016 оны 9 сарын 30
Монголын мэдээ
Зураг зураг

Мэргэжлийн сүмогийн Акибашёд  15 ялж, ганц ч унаагүйгээр тэргүүлэн ялалт байгуулсан Гоэйдо Готарогийн эзэн хааны цомыг атгасныхаа дараа өгсөн товчхон ярилцлагыг орчуулан хүргэж байна.

Гоэйдо 13 дахь өдөр өөрийн хамгийн ойрын өрсөлдөгч болох ёкозүна Харүмафүжи Д.Бямбадоржийг, 14 дэх өдөр Тамаваши Б.Мөнх-Оргилыг давснаар түрүүлэх болзлоо хангасан юм. Тэр башёгийн сүүлийн өдөр озэки Котошёогикүг давсан байдаг. Японы бөхчүүдээс энэ оны нэгдүгээр сарын башёд озэки Котошёогикү түрүүлсэн бол есдүгээр сард озэки Гоэйдо түрүүлсэн юм.

Токиогийн барилдаанд түүхэн амжилт үзүүлж, эзэн хааны цомыг хүртсэн озэки Гоэйдо энэ жил 30 настай бөгөөд 2005 оны нэгдүгээр сараас эхлэн барилдаж эхэлжээ.  

-Юуны өмнө түрүүлсэнд чинь баяр хүргэе?

-Баярлалаа.

-Үзэгчдийн баяр хүргэсэн энэ их дуу чимээг сонсоод танд ямар санагдаж байна вэ?

-Ялчихлаа гэх мэдрэмж бага багаар мэдрэгдэж, буцалж байгаа юм шиг л санагдаж байна.

-Анх удаагаа эзэн хааны цом хүртэхэд ямар байна?

-Үнэхээр хүнд байдаг  юм байна.

-Өчигдөр л  түрүүлэх чинь тодорхой болчихсон байсан шүү дээ. Өнөөдөр ирэхдээ ямар сэтгэгдэлтэй байв?

-Тиймээ, түрүүлэх нь тодорхой болсон байсан. Сэтгэл догдолж байсан ч, сая башёд дахин гарахад тэр мэдрэмж дахиад л төрлөө. Сайн сүмо бөх болж чадсан юм шиг санагдаж байна.

-Анх удаа 15 түрүү авч байгаа байх аа?

-Тийм ээ, туйлын их баяртай байна.

-Түрүүлнэ гэсэн бодол хэдийнээс төрж эхэлсэн бэ?

-10 дахь өдрийн барилдаанаас хойш өөртөө бага багаар итгэж эхэлсэн.  

-Тэгвэл тэр үеэс та хэрхэн өөрчлөгдсөн бол?

-Өнөөдрийг хүртэл надад башёд түрүүлсэн удаа байхгүй. Тиймээс барилдаан бүрт ялагдаж болохгүй юм шүү л  гэж бодож байлаа.

-Тухайлбал, таны амьдралд,  эргэн тойронд тань гарсан өөрчлөлтөөс сонирхуулаач?

-Би дээр дурдсан, надад түрүүлсэн удаа байхгүй. Тийм мэдрэмжийг авч байгаагүй учраас би ялагдахгүй л гэсэн бодолтой байсан. Бас сүмо бөхийн төлөө бүхий л хүчээ дайчилна гэж бодож байлаа. Сүүлийн хэдэн өдрийг ер нь иймэрхүү бодолтой өнгөрүүлсэн.

-Түрүүлэх тань тодорхой болсон тэр өдрийн өглөө гадагш  гараагүй гэж сонссон юм байна. Ямар учиртай юм бол?

-Тийм шүү. Тэр өдөр гадагш гараагүй. Биеэ бэлтгэхийн тулд зүгээр л амарсан.

-Тэгвэл башёд тэргүүлж, эзэн хааны цом гардах тэр мөчид төрсөн сэтгэгдэл?

-Өмнө нь сэтгэл хөөрч, догдлох зав надад байгаагүй. Гэхдээ тэр мөчид нүд бүрэлзээд баярласандаа уйлмаар ч юм шиг санагдсан.

-Озэки цол авахын тулд их хөдөлмөрлөсөн. Сүмогийн арга барил тань өөрчлөгдсөн үү?

-Эцэст нь өөрт тохирсон  мэхээ олж чадсан. Тэр маань магадгүй ялалтад хүргэсэн байх.

-Нэг ч унаагүй түрүүлснээр та Осакагаас гаралтай бөхчүүдийн 86 жилийн турш тасраад байсан амжилтын буухиаг залгасан. 86 жилийн турш нутаг усныхан тань  энэ ялалтыг  хүлээсэн?

-Энэ талаар өмнө нь бодож байсангүй. Гэхдээ үр дүн нь ийм гарсан учир нийт Осакачууддаа баярлалаа гэж хэлмээр байна.

-Ээжээс тань эхлээд танай гэр бүлийнхэн 10 дахь өдрөөс хойш таны барилдааныг тасралтгүй үзсэн. Тэднийхээ нүдэн дээр түрүүлэхэд ямар байна вэ?

-Туйлын их баярлаж байна.

Зураг