ФОТО: Орон нутгийн сонгуульд нэр дэвшигчид Морь цагт үнэмлэхээ авлаа

Орон нутгийн сонгуульд нэр дэвшигчид өнөөдөр 11:40 цагт үнэмлэхээ гардан авлаа. Энэ удаагийн сонгуульд 7,282 мандатын төлөө 15,212 нэр дэвшигч өрсөлдөх юм. Тодруулбал, улс төрийн нам, эвслээс 14,489 нэр дэвшигч, 723 бие даан нэр дэвшигч сонгуульд оролцоно. 

Энэ удаагийн орон нутгийн сонгуульд хамгийн олон хүн амтай дүүрэг болох Баянзүрх дүүрэгт гэхэд 41 мандатын төлөө 129 нэр дэвшигч өрсөлдөнө. Эдгээрийн нэг нь Монгол Улсын Ерөнхийлөгч Ц.Элбэгдоржийн хүү Э.Эрдэнэ юм. Тэрбээр Ардчилсан намаас нэр дэвшиж, өнөөдөр үнэмлэхээ гардан авлаа. Мөн энэ дүүрэгт Люмино хамтлагийн дуучин Баажий буюу Б.Батхишиг өрсөлдөхөөр болсон юм. 

Баянзүрх дүүрэгт улс төрийн нам, эвслээс нэр дэвшигчдийн нэрсийн жагсаалтыг хүргэе.