Уншиж байна ...
Зураг
Зураг
ХУУЧИРСАН МЭДЭЭ: 2016/08/18-НД НИЙТЛЭГДСЭН

"Барилга, Орон сууц-2016" үзэсгэлэн яармаг маргааш Мишээл Экспо төвд нээгдэнэ

ikon.mn
2016 оны 8 сарын 18
Барилга.МН
Зураг зураг

Орон сууц, барилгын материал худалдан авахаар зэхэж буй хэн бүхэнд хэрэгтэй “БАРИЛГА ОРОН СУУЦ-2016” үзэсгэлэн яармаг наймдугаар сарын 19-нөөс 21-ний өдрүүдэд Мишээл Экспо төвд болно.

Улаанбаатар хотод хэрэгжиж буй орон сууцны төсөл хэрэгжүүлэгчид болон барилгын материал үйлдвэрлэгчид, шинэ дэвшилтэт техник технологи нэвтрүүлэгчид зэрэг 110 гаруй аж ахуйн нэгж, байгууллагууд бүтээгдэхүүн үйлчилгээгээ сурталчлан оролцоно.

Ипотек болон компанийн өөрийн зээлд хамрагдах, төлбөрийн уян хатан нөхцөлтэйгөөр байр худалдан авах, урамшуулал, хямдралтай энгийн, тансаг зэрэглэлийн орон сууцны төслүүдээс сонголтоо хийж, үнэ ханшийг нь харьцуулан харах боломжийг тус үзэсгэлэн яармаг иргэддээ олгож байна. Мөн барилгын материал үйлдвэрлэгч, импортлогчдын өндөр чанартай, өргөн сонголттой бараа бүтээгдэхүүнтэй танилцаж, мөрөөдлийн байшингаа босгох бүх төрлийн материалыг эндээс сонгох боломжтой. 

Тухайлбал, Бүх зэрэглэлийн орон сууц, грилийн болон сауны байшин, халаалтын тоног, төхөөрөмж, халуун ус, бохирын цогц шийдэл, барилгын химийн бүтээгдэхүүн, бүх төрлийн хаалга, цонх, дээвэр, карказ, хавтан, шал, дулаалга болон бусад жижиглэнгийн барилгын бараа, материалуудын худалдаа явагдана.

Орон сууц, барилгын материалын худалдаа нэг дор явагдаж, бүх төрлийн мэдээллийг цогцоор нь өгөх үзэсгэлэн худалдаанд та бүхнийг хүрэлцэн ирэхийг урьж байна.

 

Зураг