Уншиж байна ...
Зураг
Зураг
ХУУЧИРСАН МЭДЭЭ: 2016/07/24-НД НИЙТЛЭГДСЭН

Улаанбаатарыг бүрхсэн их утаа сансраас харагдаж байна

Р.Түвшин, iKon.mn
2016 оны 7 сарын 24
iKon.MN

Сүүлийн хоёр өдөр Улаанбаатар хотыг өтгөн утаа бүрхээд байгаа билээ.

Тэгвэл энэ утааны уг сурвалж нь ОХУ-ын Сибирьт үүсээд байгаа түймрээс үүдэлтэй ажээ.

Утаа нь маш өргөн газар нутгийг хамраад байгаа ба 1.6 сая километрийн холоос дэлхийг ажиглаж байгаа сансрын хөлөгт хүртэл мэдрэгдэж байгаа гэнэ.

NASA-гийн Deep Space Climate Observatory (DSCO) сансрын хөлөг нь Нар болон Дэлхийн дунд байрлаж дэлхийг нэг сая миль (1.6 сая км) зайнаас ажиглаж байдаг юм.

Тэгвэл уг хөлгийн камер энэ сарын 21-нд үлэмж хэмжээний утаа Сибирийг бүрхсэн байгааг буулган дэлхий рүү илгээжээ.

Том зураг:

 

Ойртуулбал:

 

Дахин ойртуулбал:

 

Сибирьт дүрэлзэж байгаа гал түймрийн тухай ОХУ-ын засгийн газар мэдээлэхдээ (18-нд) 116 км.кв талбайг хамарсан 77 түймрийн голомт байгааг дурдаж байв. Гэвч GreenPeace Russia байгууллагынхан энэ нь маш их дарсан тоо гээд он гарсаар 70,000 км.кв талбай шатсан гэж мэдээлжээ.

Хэдийгээр тоон мэдээллүүд зөрүүтэй байгаа ч энэ нь үнэхээр том гамшиг болж байгааг дээрх зураг баталж байгаа юм.

Эх сурвалж: NASA