Тулгар төрийн 2225, Их монгол улсын 810, Ардын хувьсгалын 95 жилийн ойн Үндэсний их баяр наадмын шагайн харваанд ахмадын 10, насанд хүрэгчдийн 72 нийт 82 багийн 720 харваач цэц мэргэнээ сорин оролцож байна.
Тэмцээнд Дорноговь, Дундговь, Өмнөговь, Хэнтий, Сүхбаатар, Дорнод, Завхан, Төв, Говьсүмбэр, Булган, Сэлэнгэ, Дархан, Орхон, Архангай, Өвөрхангай, Баянхонгор аймаг болон УБ хотын багууд оролцож байна.
Өнөөдрийн байдлаар 40 баг 8 хэсэгт /хэсэг тус бүрт 5 баг/ хуваагдан тоглож байна. Хэсэг тус бүрээс 2 баг гарч 16 баг үлдэнэ. Үдээс хойш 16 баг 4 багтай 4 хэсэгт хуваагдан тоглоно. Хэсэг тус бүрээс 2 баг хожлоо авч гаран шигшээ 8 шалгарна.
Мөн ахмадын багийн тоглолт 10 баг 3 хэсэгт хуваагдаж тойргоор тоглон хэсгээс 1 баг шигшээд гарч маргааш өглөө шигшээ тоглоно.