Ц.Сандуй Нийслэлийн ИТХ-ын дарга боллоо

Г.Номин, iKon.mn

2016 оны 7 сарын 6

iKon.MN

эрэмбэлэх: шинэ нь эхэнд хуучин нь эхэнд

12:45 2016/07/06

Гэрэл зургийг Mpa.mn

Анхдугаар хуралдаанд оролцсон төлөөлөгчдийн олонхийн саналаар Ц.Сандуйг Нийслэлийн ИТХ-ын даргаар сонгохыг дэмжлээ.

Ц.Сандуйд Нийслэлийн ИТХ-ын даргын тамга тэмдгийг Э.Бат-Үүл гардуулж өглөө.

11:41 2016/07/06

Ц.Сандуй: 60 тэрбумын бичлэг гүтгэлэг эвлүүлэг гэдгийг миний зүгээс баттай хэлж байна

Гэрэл зургийг mpa.mn

Нийслэлийн ИТХ-ын хуралдаанд оролцсон төлөөлөгчдийн 100 хувийн саналаар ялалт байгуулсан 45 төлөөлөгчийн бүрэн эрхийг баталгаажууллаа.

МАН-аас Нийслэлийн ИТХ-ын даргад Ц.Сандуйг нэр дэвшүүлжээ. Төлөөлөгчид түүнээс асуулт асууж, санал хэлж байна.

Асуулт хариултаас онцлон хүргэж байна.

НИТХ-ын төлөөлөгч П.Баярхүү: 60 тэрбумын талаар тайлбар өгөөч?

- Тэр бичлэг эвлүүлэг гэдгийг Цагдаагийн байгууллагаас мэдэгдсэн. Сүхбаатар дүүргийн цагдаагийн нэгдүгээр хэлтэст хандсан байгаа. Миний зүгээс гүтгэлэг эвлүүлэг гэдгийг баттай хэлж байна.

НИТХ-ын төлөөлөгч Б.Түвшин: Эвлүүлэг биш гэдэг нь тогтоогдвол та ямар хариуцлага хүлээх вэ?

- Миний зүгээс эвлүүлэг гэдгийг мэдэж байгаа учраас шүүхийн шийдвэрт эргэлзэхгүй байна. Шүүхийн шийдвэр гарахаар та асуултдаа хариулт авах байх.

НИТХ-ын төлөөлөгч Л.Нарантуяа: Та халаа сэлгээ хийх үү?

- Хуулийн дагуу ажиллаж байгаа ямар ч төрийн албан хаагч ажилгүй болно гэж айх шаардлагагүй.

09:31 2016/07/06

НИТХ-ын анхдугаар хуралдааныг Э.Бат-Үүл даргалж байна

Гэрэл зургийг mpa.mn

Нийслэлийн Иргэдийн Төлөөлөгчдийн 7 дахь удаагийн хурлын анхдугаар хуралдаан яг одоо Хангарди ордонд болж байна. Анхдугаар хуралдаанд 45 хүнээс 43 нь иржээ. /П.Батчимэг-өвчтэй /ХУД 33-р тойрог, АН, М.Тулгат-гадаадад томилолттой /БЗД 8-р тойрог, АН/ Хуралдааныг хамгийн ахмад настай нь буюу Э.Бат-Үүл даргалж байна.

Энэ сарын 4-н буюу Даваа гарагт товлогдоод байсан уг хурал олонх болсон МАН-аас хотын даргад нэр дэвшүүлээд буй Су.Батболдын УИХ-ын гишүүний бүрэн эрх түдгэлзээгүй гэсэн шалтгаанаар хойшлогдоод байсан юм.

Чуулганаар доорх асуудлуудыг хэлэлцэнэ.

Нийслэлийн ИТХ-ын сонгууль явуулсан дүн
Шинээр сонгогдсон төлөөлөгчдийн бүрэн эрхийг зөвшөөрөх тухай
Нийслэлийн ИТХ-ын даргыг сонгох
Нийслэлийн ИТХ-ын Тэргүүлэгчдийн тоог тогтоож, Тэргүүлэгчдийг сонгох
Нийслэлийн Засаг дарга бөгөөд Улаанбаатар хотын Захирагчид нэр дэвшүүлэх

НИТХ-д ялагч болсон 45 нэр дэвшигч

НИТХ-ын тойргийн дугаар	Нэр	Дүүрэг	Нам эвсэл, бие даагч
1-р тойрог	Л.Нарантуяа	Баянгол	Ардчилсан Нам
2-р тойрог	Ж.Батсайхан	Баянгол	Монгол Ардын Нам
3-р тойрог	Ж.Батбаясгалан	Баянгол	Монгол Ардын Нам
4-р тойрог	Ц.Одонтунгалаг	Баянгол	Ардчилсан Нам
5-р тойрог	Д.Мөнхжаргал	Баянгол	Монгол Ардын Нам
6-р тойрог	Ш.Анхмаа	Баянгол	Монгол Ардын Нам
7-р тойрог	Т.Батцогт	Баянзүрх	Ардчилсан Нам
8-р тойрог	М.Тулгат	Баянзүрх	Ардчилсан Нам
9-р тойрог	Ч.Гантулга	Баянзүрх	Монгол Ардын Нам
10-р тойрог	Н.Баярмөнх	Баянзүрх	Монгол Ардын Нам
11-р тойрог	Б.Сүхбаатар	Баянзүрх	Монгол Ардын Нам
12-р тойрог	Д.Амарбаясгалан	Баянзүрх	Монгол Ардын Нам
13-р тойрог	Т.Цэрэнноров	Баянзүрх	Монгол Ардын Нам
14-р тойрог	С.Эрдэнэтуул	Баянзүрх	Монгол Ардын Нам
15-р тойрог	Э.Бат-Амгалан	Баянзүрх	Монгол Ардын Нам
16-р тойрог	Б.Отгонсүх	Сонгинохайрхан	Монгол Ардын Нам
17-р тойрог	Ц.Төрхүү	Сонгинохайрхан	Монгол Ардын Нам
18-р тойрог	Ц.Сандуй	Сонгинохайрхан	Монгол Ардын Нам
19-р тойрог	Б.Цолмон	Сонгинохайрхан	Монгол Ардын Нам
20-р тойрог	Б.Бямбадорж	Сонгинохайрхан	Монгол Ардын Нам
21-р тойрог	Д.Баярсайхан	Сонгинохайрхан	Монгол Ардын Нам
22-р тойрог	С.Мөнхчулуун	Сонгинохайрхан	Монгол Ардын Нам
23-р тойрог	М.Халиунбат	Сонгинохайрхан	Монгол Ардын Нам
24-р тойрог	Р.Дагва	Сонгинохайрхан	Монгол Ардын Нам
25-р тойрог	Д.Баттулга	Сүхбаатар	Ардчилсан Нам
26-р тойрог	Х.Хатанбаатар	Сүхбаатар	Монгол Ардын Нам
27-р тойрог	Д.Бадарсан	Сүхбаатар	Ардчилсан Нам
28-р тойрог	О.Мөнгөншагай	Сүхбаатар	Монгол Ардын Нам
29-р тойрог	Г.Төмөрбаатар	Сүхбаатар	Монгол Ардын Нам
30-р тойрог	П.Баярхүү	Сүхбаатар	Монгол Ардын Нам
31-р тойрог	Ц.Байгальмаа	Хан-Уул	Монгол Ардын Нам
32-р тойрог	Ё.Цацралтуяа	Хан-Уул	Ардчилсан Нам
33-р тойрог	П.Батчимэг	Хан-Уул	Ардчилсан Нам
34-р тойрог	Б.Түвшин	Хан-Уул	Ардчилсан Нам
35-р тойрог	Ж.Алдаржавхлан	Хан-Уул	Монгол Ардын Нам
36-р тойрог	Э.Бат-Үүл	Хан-Уул	Ардчилсан Нам
37-р тойрог	Б.Мөнхбат	Чингэлтэй	Монгол Ардын Нам
38-р тойрог	Н.Батсүмбэрэл	Чингэлтэй	Монгол Ардын Нам
39-р тойрог	Ш.Үнэнбат	Чингэлтэй	Монгол Ардын Нам
40-р тойрог	Ц.Баатархүү	Чингэлтэй	Ардчилсан Нам
41-р тойрог	М.Эрдэнэбат	Чингэлтэй	Монгол Ардын Нам
42-р тойрог	Ж.Эрдэнэбат	Чингэлтэй	Монгол Ардын Нам
43-р тойрог	Ц.Сандаг-Очир	Багануур	Монгол Ардын Нам
44-р тойрог	Б.Батнасан	Багахангай	Монгол Ардын Нам
45-р тойрог	С.Амарсайхан	Налайх	Монгол Ардын Нам