Америк тивийн хөлбөмбөгийн аварга шалгаруулах тэмцээн дөнгөж сая өндөрлөж Чили улсын шигшээ баг хоёр жил дараалан цом өргөлөө.
Тоглолт үндсэн цагт хуурай тэнцэж нэмэлт 30 минутанд мөн л гоол орсонгүй. Улмаар тоглолт торгуулийн цохилтоор шийдэгдлээ. Чили 4:2 Аргентин.
Аргентиний баг нэг (багийн ахлагч Л.Месси шувуу буудав) болон дөрөв дэх цохилтоо алдсан бол Чилийн эхний цохилтыг Аргентиний хаалгач хаасан юм. Аргентиний шигшээ 3 жил дараалан том тэмцээнд финалдсан боловч түрүүлж чадсангүй.
Ингээд Чилийн шигшээ баг хоёр дахь удаагаа тивийн аварга болж байна.
Өнгөрсөн жил энэ хоёр улсын шигшээ баг финалдаж мөн л торгуулийн цохилтоор шийдэгдэж Чилийн шигшээ баг нутагтаа цом өргөж байсан бол энэ удаа дахин аварга болж байна.