Шарсан тахиа идэж суух зуураа гар утсаа цэнэглэх боломжтой болжээ. Түргэн хоолны KFC компанийн Энэтхэг дэх салбар “Watt a box” нэртэй хайрцагт шарсан тахиагаа савлах болсон байна.
Уг хайрцаг нь гаднаа USB порт болон дотроо суурилуулсан зай тэжээлийн хураагууртай. Мөн бяцхан асаах товч USB портны хажууд суулгагджээ. Цэнэглэх чадал тийм ч их өндөр биш. Зарим хэрэглэгчдийн туршиж үзсэнээр iPhone 5S утсыг 30 минут залгахад 17 хувийн цэнэг нэмэгдсэн байна.
Гэхдээ л тахианы мах агуулах үндсэн зорилготой сав гэхэд дажгүй үзүүлэлт юм.
Эх сурвалж: The Verge