Сүхбаатар дүүргийн Засаг даргын Тамгын газрын Захиргаа, хуулийн хэлтсийн дарга Б.Ганбаатар өнөөдөр дүүргийн “ШИЛДЭГ ХҮҮХЭД”-ээр шалгарсан сурагчдад үнэмлэх, энгэрийн тэмдгийг нь гардуулан өглөө.
Шагнал гардуулах үеэр Б.Ганбаатар “Дүүргийн шилдэг хүүхэд шагналын анхны эзэд болсонд баяр хүргэж, цаашдын чинь сурлага, хөдөлмөрт өндөр амжилт хүсье. Та хоёр энэ жил сургуулиа төгсөж байгаа учраас хамгийн хариуцлагатай сонголтын өмнө ирээд байна. Тийм учраас хүссэн мэргэжлээ амжилттай сонгоод улс эх орондоо ихийг бүтээсэн сайн боловсон хүчин болоорой” хэмээн захилаа.