Бизнес эрхлэгчдэд зориулсан оффисийн талбай танилцуулах аялал монголд АНХ УДАА БОЛЛОО
Бизнес эрхлэх гэж байгаа хүмүүст тохиолддог хамгийн том бэрхшээлүүдийн нэг бол яах аргагүй оффисийн талбай.
Үнэ боломжийн, хямд түрээстэй оффисийн талбай олдлоо гэхэд байршил нь зам тээврээсээ холдчихдог эсвэл хөл хөдөлгөөн багатай болчих тохиолдлууд гардаг. Энэ мэтчилэн байршил, орчин нөхцөлийн хувьд таатай бөгөөд түрээсийн үнэ, нөхцөл нь уян хатан, боломжийн байх оффисийн талбайг та хайсаар л байна уу?
Тэгвэл Парксайд төвийн 3 давхарт байрлах RE/MAX BEST оффисоос санаачлан Монголд анх удаагаа оффисийн талбай худалдан авахаар болон түрээслэхээр сонирхож байгаа үйлчлүүлэгчдэдээ зориулан Жийптэй аяллыг Улаанбаатар хотын оффисийн талбай түрээслүүлж байгаа тэргүүлэх төслүүд болох MD Төв, Gegeenten, Park Place, Central Tower, Цэлмэг Төв, Далай Тауэр зэрэг төслүүд дээр амжилттай зохион байгууллаа.
Тус аялалд нийт 30 гаруй бизнес эрхлэгчид хамрагдсан бөгөөд нийт 7 төслийн 20 гаруй төрлийн оффис, үйлчилгээний талбайг танилцуулсан нь олон боломжит сонголтууд дундаас харьцуулж үзэх, тухайн бизнесээсээ хамааран хаана, ямар талбай түрээслэх нь ашигтай байх талаар зөвлөгөөг мэргэжлийн агентуудаас авч байсан нь аялалд хамрагдсан оролцогчдод маш сайн мэдээллийг өгч чадсан юм.
Энэхүү аялалд хамрагдсан нэгэн үйлчлүүлэгч бидэнд сэтгэгдлээ хуваалцсаныг та бүхэнд хүргэж байна.
RE/MAX-ийнхны зохион байгуулж байгааа энэ аяллын онцлог нь, оффисийн талбай хайж байгаа бизнес эрхлэгч бид нарт тухайн төслийн талаар дэлгэрэнгүй мэдээлэл өгөхөөс гадна, бидний сонирхол, хүслийг сайн сонсож, бидэнд тулгарч буй асуудал дээр нээлттэй ярилцаж, өөр өөр шинэ боломжуудыг санал болгож байсан нь надад болон аялалд хамрагдсан өөр бусад хүмүүст нилээд таалагдсан.
Жишээ нь, би бол Хотын төв орчмын бүст үнэ боломжийн, оффисийн талбай сонирхож байгаа юм. Ажлаасаа болоод цаг зав муутай байдаг би амралтын өдрүүдээрээ ч олигтой талбай үзэж амждаггүй юм л даа. Харин Энэ аялалд хамрагдаад би нийт 7 төслийн 20 гаруй төрлийн оффисийн талбай үзэж сонирхсон бөгөөд тэр дундаасаа харьцуулж үзэхэд Цэлмэг Төв, Гэгээнтэн, Парк Плэйс гурав миний сонирхолд их нийцэж байна.
Иймэрхүү Тур хэлбэрийн үйлчилгээ нь нэг дор олон олон үл хөдлөх хөрөнгийн төслүүдийг өргөн сонголттойгоор үзүүлдгээрээ, оффисийн талбай хайж байгаа манайх шиг компаниудад их хэрэгтэй санагдлаа.
Хэрвээ та удахгүй болох дараагийн Жийптэй аяллын талаар болон хауз, орон сууц, худалдаа үйлчилгээ, оффисийн талбай зэрэг бүхий л төрлийн үл хөдлөх хөрөнгө худалдах, худалдан авах боломжуудын талаар мэргэжлийн агентуудтай нээлттэй ярилцахыг хүсвэл, Улаанбаатар хотод байгаа RE/MAX Mongolia-ийн брокер оффисуудаас өөрт хамгийн ойр байгаа салбартай холбогдож мэдээлэл авах боломжтойг дуулгая.
