АН-ын бүлэг ЗГ-ын зарим гишүүнийг чөлөөлөхийг дэмжлээ

Гэрэл зургийг Б.Бямба-Очир / mpa.mn

Ерөнхий сайд Ч.Сайханбилэг АН-ын бүлгийн дарга Б.Гарамгайбаатарт хандан МАХН-ын гишүүдийг Засгийн газраас гишүүнээс чөлөөлөх саналыг албан бичгээр өчигдөр хүргүүлсэн билээ. 

Тэгвэл энэ асуудлаар АН-ын бүлэг өнөөдөр хаалттай хуралдаж шийдвэр гаргасан байна. 

Тус хуралдаанаас МАХН-ын харьяалалтай Засгийн газрын гишүүдийг чөлөөлөхийг 67.5 хувийн саналаар дэмжжээ. 

Өнөөдрийн байдлаар Шадар сайд Ц.Оюунбаатар, Батлан Хамгаалахын сайд Ц.Цолмон, Барилга Хот Байгуулалтын сайд З.Баянсэлэнгэ нар МАХН-ын гишүүнчлэлтэй байгаа юм.