ЗӨВЛӨГӨӨ: Өдөр бүр кофе уух нь ЗУРГААН сайн талтай

Э.Лхамзаяа, iKon.mn

2015 оны 11 сарын 28

iKon.MN

Бидний эргэн тойронд өдөр бүр кофе уудаг зуршилтай хүмүүс байдаг. Мөн нойроо сэргээхийн тулд эсвэл кофены амтанд нь дуртай учраас гэх мэт янз бүрийн шалтгаанаар кофе уудаг хүмүүс ч бий. Магадгүй зарим нь биед муу гээд уудаггүй байх.

Гэхдээ та доорх нийтлэлийг уншаад маргаашаас “КОФЕ УУЯ” гэж бодно гэдэгт эргэлзэхгүй байна. Ингээд та бүхэндээ “Higher Perspective” -д нийтлэгдсэн өдөр бүр кофе уухын зургаан сайн талыг танилцуулъя.

1. Сахарын өвчин тусах магадлал буурна

Америкийн нэгэн судлаач “Өдөрт 4 аяга кофе уух нь сахарын өвчин тусах магадлалыг 50 хувиар бууруулдаг” гэж үзжээ. Гэхдээ та сахартай уувал эсрэг нөлөөтэй гэдгийг санаарай.

2. Сэтгэл хөдлөлөө удирдахад тань тустай

Кофе нь серотин, норадерналин, допамин зэрэг даавруудыг ялгаруулах үйл явцыг улам сайжруулдаг. Улмаар нейротрансмиттер буюу мэдрэлийн импульсийг дамжуулдаг биологийн идэвхт бодис ялгарснаар сэтгэл хөдлөлөө удирдахад тань тусална.

3. Дасгал хөдөлгөөн хийхээс өмнө кофе уувал үр дүн нь илүү сайн гарна

Та дасгал хөдөлгөөн хийхээсээ өмнө 1 аяга кофе уувал үр дүнд сайнаар нөлөөлнө. Үндсэндээ кофенд агуулагддаг кофейн нь цусний эргэлтэндэх өөх тосны бөөгнөрлийг нэмэгдүүлснээр өөх тосыг булчин болгох үйл ажиллагааг хурдасгадаг.

4. Зөв шийдвэр гаргахад тусална

Та өдөр 15 цагт кофе уувал тэр өдөртөө сэргэлэн цовоо, ухаан хурц байдгийг Өмнөд Флоридагийн Их сургуулийн судлаачид тогтоожээ. Тиймээс энэ үед аливаа асуудлын талаар шийдвэр гаргахад тохиромжтой юм.

5. Стрессийг багасгадаг

Үнэндээ бол кофены үнэрийг үнэртэх төдийд хүн стрессээ мартдаг. Бүүр цаашилбал сэтгэл санааны байдал эрс сайжирдаг. Тиймээс та унтахдаа орныхоо хажууд кофе тавьж унтвал илүү сайхан амарч чадах болно.