УИХ-ын чуулганы нэгдсэн хуралдааныг өнөөдөр 09:00 цагаас зарласан бөгөөд эхний хэлэлцэх асуудал нь Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд өөрчлөлт оруулах тухай, Монгол Улсын нэгдсэн төсвийн 2015 оны төсвийн хүрээний мэдэгдэл, 2016-2017 оны төсвийн төсөөллийн тухай хуульд өөрчлөлт оруулах тухай болон холбогдох бусад хуулийн төслүүд /Засгийн газар 2015.10.06-ны өдөр өргөн мэдүүлсэн, нэг дэх хэлэлцүүлэг/ аж.
Үдээс хойших хуралдаанаар Ц.Даваасүрэн, Б.Бат-Эрдэнэ, Х.Болорчулуун, С.Ганбаатар, Г.Уянга, Л.Цог нарын гишүүд Оюу толгой төслийн хэрэгжилтийн өнөөгийн явц татвар төлөлтийн байдал болон “Эвлэрлийн гэрээ"-ний талаар Монгол Улсын Ерөнхий сайд Ч.Сайханбилэгт тавьсан асуулгын хариуг сонсохоор болжээ.